ГалоўнаяНавіныНавіны Нацыянальнай бібліятэкі Беларусі
"СБ – Беларусь сегодня": пра Нацыянальную бібліятэку ў матэрыялах галоўнай газеты краіны
Сустрэча з адвакатам, прысвечаная садаводчым таварыствам

Адукацыйны семінар “Інтэлектуальная ўласнасць у Рэспубліцы Беларусь. Камп’ютарныя праграмы і базы даных”

Адукацыйны семінар “Інтэлектуальная ўласнасць у Рэспубліцы Беларусь. Камп’ютарныя праграмы і базы даных”
Іншыя навіны

17 красавіка ў рамках Міжнароднага дня інтэлектуальнай уласнасці ў бібліятэцы адбыўся адукацыйны семінар “Інтэлектуальная ўласнасць у Рэспубліцы Беларусь. Камп’ютарныя праграмы і базы даных”.

У семінары прынялі ўдзел каля 120 прадстаўнікоў сферы культуры, навукі і адукацыі. Удзельнікаў віталі намеснік дырэктара Нацыянальнай бібліятэкі Беларусі па інфармацыйных рэсурсах Таццяна Кузьмініч і галоўны спецыяліст упраўлення культуры і народнай творчасці галоўнага ўпраўлення культуры і аналітычнай работы Міністэрства культуры Рэспублікі Беларусь Сяргей Бацян.

Аляксей Бічурын, начальнік цэнтра па калектыўным кіраванні маёмаснымі правамі Нацыянальнага цэнтра інтэлектуальнай уласнасці, азнаёміў удзельнікаў семінара з пытаннямі прававога рэгулявання аховы аўтарскіх праў на камп’ютарныя праграмы і базы даных у Рэспубліцы Беларусь, распавёў пра ступень адказнасці за парушэнне выключных праў, парадак рэгістрацыі камп’ютарных праграм у Нацыянальным цэнтры інтэлектуальнай уласнасці.

Ігар Медзікаў, начальнік аддзела прававой і кадравай работы Нацыянальнай бібліятэкі Беларусі, разгледзеў прававыя пытанні выкарыстання камп’ютарных праграм у бібліятэках.

Яўген Кравец, адвакат у сферы інтэлектуальнай уласнасці і аўтарскага права, пазнаёміў прысутных з практычнымі кейсамі са сваёй практыкі, звязанымі з аховай аўтарскіх праў на сайт, а таксама звярнуў увагу на нюансы, якія неабходна ўлічваць пры заключэнні дагавора на распрацоўку сайтаў.

Наталля Лушына, патэнтны павераны Рэспублікі Беларусь, расказала ўдзельнікам семінара пра стварэнне і выкарыстанне аб’ектаў інтэлектуальнай уласнасці, якія ахоўваюцца патэнтам.

Удзельнікі семінара атрымалі ўнікальную магчымасць задаць пытанні экспертам у галіне інтэлектуальнай уласнасці і аўтарскага права.

Матэрыял прадастаўлены аддзелам фарміравання электроннай бібліятэкі.

Навіны

Перасоўная выстава “Лясная песня” адкрылася ў Нацыянальнай акадэмічнай бібліятэцы Рэспублікі Казахстан

22 Чэр 2021

Прэзентацыя інфармацыйна-ілюстрацыйнага праекта “Лясная песня” ў горадзе Нур-Султан была прымеркавана да 80-годдзя пачатку Вялікай Айчыннай вайны.

Навіны Нацыянальнай бібліятэкі Беларусі

23 Чэр 2021

«Тэатр, як вядома, мае звычай зацягваць у сябе людзей, як зачараваны лес». Думаецца, праўдзівасць гэтага радка з рамана «Вялікае падарожжа Малой» пацвердзіць аўтарка Алена Папова. Ведаюць яе не толькі як драматурга, чые п'есы ідуць па ўсім свеце, перамагаюць на прэстыжных міжнародных конкурсах, але і як адметнага празаіка. «Таямнічы код прозы Алены Паповай» – гучала ў загалоўку адной з рэцэнзій.

Навіны бібліятэк

22 Чэр 2021

19 чэрвеня 1924 года нарадзіўся беларускі пісьменнік Васіль Быкаў. Большасць твораў, напісаных аўтарам, – аповесці, дзеянне якіх адбываецца ў час Вялікай Айчыннай вайны. У іх паказаны маральны выбар чалавека ў найбольш драматычныя моманты жыцця. Быкаў на свае вочы бачыў вайну, таму так ярка і эмацыянальна яму ўдавалася перадаць увесь цяжар ваенных гадоў. Прапануем вам пяць кніг народнага пісьменніка Беларусі, якія праславілі беларускую літаратуру на ўвесь свет.

Навіны бібліятэк

Сярэдневяковая мініяцюра, злыя зайцы і маргіналіі: што гэта такое і дзе пра гэта чытаць

21 Чэр 2021

Вы любіце ілюстрацыі. Хто іх не любіць? Малюнкі заўсёды засвойваюцца куды прасцей і хутчэй, чым шматстаронкавыя тэксты, а калі яны яшчэ і для вока прыемныя, задавальненне вырастае ўдвая. Так думалі і людзі ў Сярэдневякоўі, а таму шчодра дадавалі ў свае кнігі каляровыя мініяцюры. Вы пэўна бачылі некалькі такіх – шалёныя зайцы з дзідамі, ціхамірныя людзі ў дзіўных позах, рыцары змагаюцца са слімакамі... Давайце разбяромся, чаму кніжная мініяцюра такая незвычайная.

Аўтарскі погляд

21 Чэр 2021

Кнігі маладой пісьменніцы Ганны Чыж-Літаш — адны з самых запатрабаваных у чытацкай аўдыторыі. Актуальныя праблемы, якія ўзнімае аўтарка, — пошукі сэнсу жыцця, сяброўства, любові, сябе — нікога не пакідаюць абыякавым, таму што кожны так ці інакш штодзённа мусіць іх вырашаць, адказваць на спрадвечныя пытанні ўласнымі ўчынкамі. Паказаныя праз простыя сюжэты і немудрагелістыя дыялогі, апісаныя ў сітуацыях, у якія можа трапіць кожны, — гэтыя праблемы спрыяюць раскрыццю ўнутранага свету сучаснікаў, праз што яны становяцца блізкімі і зразумелымі чытачам любога ўзросту.

Навіны бібліятэк

Заснавальнік фармацэўтычных навук у Беларусі

21 Чэр 2021

21 чэрвеня спаўняецца 280 гадоў з дня нараджэння вядомага французскага вучонага-энцыклапедыста, доктара медыцыны, прафесара Жана Эмануэля Жылібера (1741‒1814), які па праве лічыцца заснавальнікам фармацэўтычных навук у Беларусі. Ён стварыў і некалькі гадоў узначальваў першую вышэйшае медыцынскую ўстанову на тэрыторыі сучаснай Беларусі – Гродзенскую медыцынскую акадэмію.

Па старонках беларускага календара

Аўтару “Флоры Літвы” – 280 гадоў

21 Чэр 2021

21 чэрвеня 1741 г., роўна 280 гадоў таму, нарадзіўся сусветна вядомы французскі вучоны, батанік, лекар і педагог Жан Эмануэль Жылібер. Навуковая дзейнасць знакамітага натураліста была цесна звязана з тэрыторыяй сучаснай Беларусі. Менавіта ён стаў заснавальнікам “Цэнтра медыцынскай адукацыі і медыка-біялагічных навук” у Гродна і аўтарам навуковай кнігі “Флора Літвы”.

Навіны Нацыянальнай бібліятэкі Беларусі

Бібліятэкарам
111