Для карыстальнікаў Нацыянальнай бібліятэкі Беларусі і арганізацый – партнёраў па віртуальнай чытальнай зале адкрыты тэставы доступ да інфармацыйных рэсурсаў сістэмы Passport брытанскай кампаніі Euromonitor International.
Сістэма Passport– асноўная крыніца міжнародных статыстычных даных для навуковых цэнтраў, бібліятэк і навуковых інстытутаў па ўсім свеце.
Рэсурс змяшчае:
- статыстыку, аналітыку і агляды сусветнага рынку асноўных тавараў;
- рэйтынгі і профілі кампаній вядучых краін і галін;
- поўную базу крыніц інфармацыі асноўных індустрый і краін свету.
Passport прадастаўляе доступ да:
- 11 мільёнаў паказчыкаў па розных галінах прамысловасці, краінах і спажыўцах;
- 25 000 справаздач па розных галінах прамысловасці, кампаніях, краінах і спажыўцах;
- даследаванняў нацыянальных рынкаў 210 краін;
- каментарыяў адносна новых тэндэнцый па розных галінах прамысловасці, краінах і спажыўцах;
- іншых крыніц, якія даюць інфармацыю для далейшага даследавання;
- простых у выкарыстанні і пры гэтым магутных функцый аналізу даных.
Euromonitor International – сусветны лідар у галіне глабальнай стратэгічнай інфармацыі і аналітычных даследаванняў па галінах прамысловасці, спажыўцах і краінах.
Доступ арганізаваны па 30.04.2013.
Для карыстальнікаў арганізацый – партнёраў Нацыянальнай бібліятэкі Беларусі доступ ажыццяўляецца праз віртуальную чытальную залу.