Найбуйнейшы ў свеце выдавец навуковай літаратуры кампанія Elsevier стварыла электронную бібліятэку па змяненні клімату – Climate Change Library, якая ўключае звыш 5 000 поўных тэкстаў артыкулаў, апублікаваных у 412 часопісах Elsevier у 2018 і 2019 гадах.
Матэрыялы бібліятэкі адлюстроўваюць міждысцыплінарны характар даследаванняў у галіне змены клімату: артыкулы былі адабраны з розных прадметных абласцей, уключаючы фізічныя, медыцынскія і сацыяльныя навукі.
Да канца 2019 года поўныя тэксты артыкулаў будуць знаходзіцца ў адкрытым доступе.
Для працы з бібліятэкай неабходна зарэгістравацца ў сістэме Mendeley, увайсці ў яе пад сваім уліковым запісам, адкрыць новую ўкладку і перайсці па спасылцы.
Матэрыял прадастаўлены аддзелам карпаратыўнага ўзаемадзеяння.