У Нацыянальнай бібліятэцы Беларусі і ў арганізацыях-партнёрах па віртуальнай чытальнай зале адкрыты тэставы доступ да электронных рэсурсаў найбуйнейшага акадэмічнага выдавецтва Вялікабрытаніі – Oxford University Press.
Oxford Dictionary of National Biography – электронная версія слоўніка «Oxford Dictionary of National Biography» ў 60 тамах. Прадстаўлена больш за 55 000 біяграфій вядомых людзей, якія пакінулі след у брытанскай гісторыі пачынаючы з IV ст. да нашай эры. База даных змяшчае 64 мільёны слоўнікавых артыкулаў і больш за 10 000 ілюстрацый – партрэтаў і фатаграфій.
Electronic Enlightenment – новы праект Гуманітарнага аддзялення Оксфардскага універсітэта. Даступна перапіска выдатных мысліцеляў, пісьменнікаў, мастакоў, паэтаў, музыкантаў, грамадскіх дзеячаў XVIII ст. з членамі іх сямей і сябрамі, банкірамі і апекунамі, прадаўцамі кніг і выдаўцамі.
Тэставы доступ ажыццяўляецца праз Віртуальную чытальную залу Нацыянальнай бібліятэкі Беларусі і прадастаўлены да 21.10.2009 г.
