У Нацыянальнай бібліятэцы Беларусі адкрыты тэставы доступ да электронных баз даных ТАА “LexisNexis” – “LexisNexis TotalPatent” і “LexisNexis Academic”.
“LexisNexis TotalPatent” – база даных патэнтаў “LexisNexis”, змяшчае бібліяграфічныя і рэфератыўныя даныя, даступныя для пошуку як на мове публікацыі, так і ў камп’ютарным перакладзе на англійскую мову. База даных уключае больш за 5 млн поўных тэкстаў патэнтаў, а таксама інфармацыю пра больш за 38 млн патэнтаў-аналогаў, малюнкі.
“LexisNexis Academic” – база даных, якая налічвае звыш 5 800 публікацый. Рэсурс дае доступ да поўных тэкстаў навін, а таксама юрыдычнай, фінансавай, справавой і медыцынскай інфармацыі, якая публікуецца ў агульнадзяржаўных і рэгіянальных выданнях, а таксама да інфармацыі, якая перадаецца СМІ. “LexisNexis Academic” уключае ў сябе звыш 350 газет ЗША і іншых краін (анлайнавы доступ да шматлікіх выданняў забяспечваецца ў дзень выхаду ў друк), а таксама больш за 300 часопісаў і звыш 600 інфармацыйных паведамленняў.
Доступ адкрыты па 25 лістапада 2010 г.