Для карыстальнікаў Нацыянальнай бібліятэкі Беларусі і арганізацый – партнёраў па віртуальнай чытальнай зале адкрыты тэставы доступ да базы даных SAGE Research Methods Online.
SAGE Research Methods Online (SRMO) – інфармацыйны рэсурс, прысвечаны метадалогіі навуковага даследавання ў цэлым, а не пэўнай навуковай галіны ведаў. SRMO ўключае больш за 100 000 старонак з кніг і часопісаў выдавецтва SAGE, змяшчае вялікую колькасць даведачных матэрыялаў, апісанне больш за 1 400 метадаў, якія шырока выкарыстоўваюцца ў навукова-даследчай рабоце, відэазапісы інтэрв’ю з прадстаўнікамі сусветнай навуковай супольнасці, розныя дынамічныя візуальныя інструменты, якія адлюстроўваюць міждысцыплінарныя сувязі метадаў даследчай работы.
Доступ да базы даных SAGE Research Methods Online адкрыты па 30 чэрвеня 2012 г.
Доступ ажыццяўляецца праз віртуальную чытальную залу Нацыянальнай бібліятэкі Беларусі для карыстальнікаў тых арганізацый, якія пацвердзілі свой удзел у тэсціраванні рэсурсу.
