У Нацыянальнай бібліятэцы Беларусі адкрыты тэставы доступ да базы даных PressDisplay – інфармацыйнага рэсурсу канадскай кампаніі NewspaperDirect Inc.
NewspaperDirect Inc. з’яўляецца сусветным лідарам па распаўсюджванні электронных газетных выданняў з выкарыстаннем самых новых лічбавых тэхналогій.
PressDisplay змяшчае больш за 1 700 газет з 92 краін свету на 48 мовах. Пошук ажыццяўляецца як у загалоўках, так і ўнутры тэксту; як па асобным выданні, так і па ўсім спісе выданняў.
Зручная навігацыя і пашыраныя функцыянальныя магчымасці робяць гэтую базу даных прывабнай для карыстальнікаў публічных і ўніверсітэцкіх бібліятэк.
Тэставы доступ адкрыты да 31 мая 2011 года.