У Нацыянальнай бібліятэцы Беларусі адкрыты тэставы доступ да базы даных Passport GMID кампаніі Euromonitor International.
Passport GMID – анлайнавая база даных, якая прадстаўляе бізнес-інфармацыю па розных галінах прамысловасці, а таксама катэгорыях спажыўцоў у 205 краінах свету.
Карыстальнікам прапануецца інтэграваны доступ да больш за 1 млн статыстычных даных. Рэсурс змяшчае 17 000 аглядаў стану знешняга і ўнутранага рынкаў, даныя пра іх аб’ёмы для больш за 330 тавараў народнага спажывання, а таксама профілі дзейнасці і рэйтынгі 6 000 вядучых сусветных кампаній.
Доступ ажыццяўляецца па 8 снежня 2010 г.
