У Нацыянальнай бібліятэцы Беларусі адкрыты доступ да паўнатэкставай базы даных International Index to Music Periodicals Full Text.
База змяшчае анатацыі і паказальнікі па некалькіх сотнях музычных перыядычных выданняў з больш як 20 краін, а таксама паўнатэкставыя версіі звыш 140 індэксаваных часопісаў.
На сённяшні момант у International Index to Music Periodicals Full Text уваходзіць звыш 770 000 запісаў, большасць з якіх адносіцца да апошняга дзесяцігоддзя апублікавання кожнага з выданняў. У базе прадстаўлены і праіндэксаваны ўсе нумары некаторых часопісаў пачынаючы з 1874 г.
База асвятляе найшырэйшы круг пытанняў, якія адносяцца да музыкі, уключаючы музычную адукацыю, выканальніцкае мастацтва, музычную этнаграфію, музычны тэатр, тэорыю музыкі, формы і кампазіцыю папулярнай музыкі.
Доступ да базы даных ажыццёўлены дзякуючы гранту Пасольства ЗША ў Рэспубліцы Беларусь.