Для арганізацый-партнёраў па віртуальнай чытальнай зале Нацыянальнай бібліятэкі Беларусі адкрыты тэкставы доступ да базы даных “Беларусь у асобах і падзеях”.
База даных змяшчае фактаграфічную інфармацыю пра знакамітых людзей, якія ўнеслі вялікі ўклад у навуковую, культурную і духоўную спадчыну Беларусі, пра помнікі гісторыі і культуры, а таксама найбольш важныя падзеі ў эканамічнай, грамадска-палітычнай, ваеннай, культурнай і іншых сферах жыцця Беларусі.
У базе даных прадстаўлена інфармацыя пра ўстановы, арганізацыі, прадпрыемствы, пабудовы, прыродаахоўныя тэрыторыі.
Тэкставая інфармацыя дапоўнена ілюстрацыйным матэрыялам і гіперспасылкамі на інтэрнэт-рэсурсы.
Тэставы доступ ажыццяўляецца праз віртуальную чытальную залу Нацыянальнай бібліятэкі Беларусі і прадастаўлены да 31.12.2010 г.
