У Нацыянальнай бібліятэцы Беларусі адкрыты тэставы доступ да электронных баз даных выдавецтва “Oxford University Press”.
"Oxford Music Online" – інтэрнэт-партал, які змяшчае некалькі рэсурсаў, прысвечаных музыцы і звязаных агульнай пошукавай сістэмай:
- "Oxford Grove Music Online" – анлайн-даведнік, уключае поўныя тэксты з выданняў “New Grove Dictionary of Music and Musicians” (2001), “New Grove Dictionary of Opera” (1992) і “New Grove Dictionary of Jazz” (2001). Ажыццяўляе доступ да вялікай колькасці артыкулаў (у тым ліку біяграфічных), музычных урыўкаў, а таксама да спасылак на розныя музычныя рэсурсы ў Інтэрнэце.
- "Oxford Encyclopedia of Popular Music" – найбольш поўны даведнік папулярнай музыкі.
- "The Oxford Companion to Music" – комплексная база даных па музыцы ў розных мастацкіх, гістарычных, культурных і сацыяльных аспектах. Змяшчае больш за 8 000 артыкулаў, прысвечаных кампазітарам, выканаўцам, дырыжорам, асобным творам.
- "The Oxford Dictionary of Music" – электронны слоўнік, уключае 12 500 запісаў пра музыку ўсіх жанраў і формаў, пра кампазітараў, выканаўцаў, дырыжораў. Даецца пералік і характарыстыкі музычных твораў, інструментаў, а таксама сучаснай тэрміналогіі.
"Oxford History of Western Music"– база даных, прысвечаная эвалюцыі заходняй класічнай музыкі ў выкладзе аднаго з вядомых музыказнаўцаў сучаснасці – Рычарда Тарускіна. Рэсурс уключае музычныя агляды і даследаванні пра ўплыў гісторыі, культуры, палітыкі, мастацтва, літаратуры і рэлігіі на развіццё музыкі, пачынаючы з вынаходства нотнага запісу і да нашых дзён. База даных дапоўнена 1 800 музычнымі прыкладамі і 500 малюнкамі.
"Оxford Grove Art Online" – найбольш вычарпальны навуковы даведнік па выяўленчым мастацтве. Уключае поўныя тэксты 34-томнага выдання “Dictionary of Art”. У базе даных прадстаўлены артыкулы па жывапісе, скульптуры, архітэктуры, прыкладным мастацтве, ювелірнай справе, дызайне і інш. Уключаны таксама выявы карцін, карт, малюнкаў з вядучых карцінных галерэй свету: Metropolitan Museum of Art, the Bridgeman Art Library, the British Museum, the Museum of Modern Art.
Доступ адкрыты па 30 лістапада 2010 г.
