У Нацыянальнай бібліятэцы Беларусі і ў арганізацыях-партнёрах па віртуальнай чытальнай зале з 23.09.2009 г. адкрыты тэставы доступ да электронных баз даных Emerald – аднаго з вядучых сусветных выдавецтваў навуковай і спецыяльнай літаратуры па бізнесе, менеджменце, грамадскіх навуках.
Emerald Engineering – спецыялізаваная электронная паўнатэкставая калекцыя для інжынераў, тэхнолагаў, даследчыкаў і выкладчыкаў інжынернай справы. Прадстаўлена больш за 7 000 артыкулаў з 16 вядучых міжнародных часопісаў. Усе выданні маюць рэйтынг ISI Thomson Scientific.
Emerald Management Xtra (175) – найбольш поўны збор рэсурсаў і артыкулаў з рэцэнзуемых часопісаў па менеджменце для даследчыкаў, кіраўнікоў навучальных устаноў, выкладчыкаў, студэнтаў і бібліятэкараў. База даных уключае паўнатэкставыя копіі 175 часопісаў, агляды публікацый з 300 вядучых спецыялізаваных выданняў, а таксама экспертныя агляды, ацэнкі і рэкамендацыі.
Emerald eBook Series "Business, Management & Economics collection" – электронная калекцыя кніг, уключае 60 кніжных серый (звыш 430 выданняў) па эканоміцы, бухгалтэрскім уліку, прадпрыемніцтве, ахове здароўя, кіраванні персаналам, менеджменце, маркетынгу, турызме і г.д. База даных змяшчае архіў з 1994 г.
Emerald eBook Series "Social Sciences collection" – электронная калекцыя кніг, уключае 35 кніжных серый (звыш 200 выданняў) па пытаннях адукацыі, псіхалогіі, палітыкі, сацыялогіі і антрапалогіі. База даных змяшчае архіў з 1999 г.
Тэставы доступ ажыццяўляецца праз Віртуальную чытальную залу Нацыянальнай бібліятэкі Беларусі і прадастаўлены да 20.10.2009 г.
