У Нацыянальнай бібліятэцы Беларусі з 1 па 28 кастрычніка 2010 г. адкрыты тэставы доступ да электронных баз даных выдавецтва “Cambridge University Press”.
“Shakespeare Survey Online” – электронная версія штогодніка “Shakespeare Survey”. Кожны выпуск прысвечаны вызначанай тэме, п’есе ці групе п’ес і змяшчае агляды па ўсіх апублікаваных артыкулах і крытычных матэрыялах пра сучасныя пастаноўкі Шэкспіра ў Вялікабрытаніі.
Аб’ём архіва – 60 тамоў. У фармаце PDF прадстаўлены дакументы пачынаючы з 1948 г.
“Cambridge Companions Online” – электронная версія знакамітай серыі “Хрэстаматыі Кембрыджа”. У калекцыі сабраны матэрыялы па класічных дысцыплінах: літаратуры, філасофіі, рэлігіі, культуры.
Аб’ём архіва – каля 300 тамоў. Маецца магчымасць пошуку па аўтары, назве, загалоўку ці тэме. База даных увесь час абнаўляецца.
“Cambridge Histories Online” – унікальны збор электронных копій кніг па гісторыі, які ўключае:
- выданні, што адносяцца да палітычнай і эканамічнай гісторыі краін свету (Histories of China, Japan, Africa, Latin America, Islam, Iran і інш.);
- выданні па іншых галінах гісторыі і гістарычных навук (The Cambridge History of Renaissance Political Thought, Cambridge Modern History, the Cambridge History of English Literature, the Cambridge Medieval History, the Cambridge Ancient History і інш.).
Аб’ём архіва – больш за 250 тамоў (196 000 старонак тэксту). У фармаце PDF прадстаўлены дакументы пачынаючы з 1960 г. База даных увесь час абнаўляецца.
