Для арганізацый-партнёраў па віртуальнай чытальнай зале Нацыянальнай бібліятэкі Беларусі адкрыты тэставы доступ да электронных баз даных East View Publications – аднаго з вядучых пастаўшчыкоў інфармацыйных прадуктаў і паслуг з Расіі, краін СНД, Балтыі, Кітая і Карэі.
Базы даных East View Publications змяшчаюць поўныя тэксты цэнтральных і рэгіянальных газет Расіі, перыёдыку Украіны і некаторых краін СНД, найбольш аўтарытэтныя часопісы Расійскай акадэміі навук, часопісы выдавецтва «Наука», статыстычныя выданні Дзяржаўнага камітэта Расійскай Федэрацыі па статыстыцы, Міждзяржаўнага статыстычнага камітэта Садружнасці Незалежных Дзяржаў, бібліяграфічную інфармацыю пра ўсе друкаваныя выданні, што выйшлі ў Расіі, і многае іншае.
Тэставы доступ ажыццяўляецца праз Віртуальную чытальную залу Нацыянальнай бібліятэкі Беларусі і прадастаўлены да 14.10.2009 г.