30 чэрвеня ў рамках урачыстага прыёму, арганізаванага Пасольствам Рэспублікі Беларусь у Туркменістане з нагоды Дня Незалежнасці нашай краіны, у атэлі “Йылдыз” Апарата прэзідэнта Туркменістана адбылося адкрыццё банэрнай выставы “Лясная песня”.
Сумесны інфармацыйна-ілюстрацыйны праект Нацыянальнай бібліятэкі Беларусі і Нацыянальнага архіва Рэспублікі Беларусь пазнаёміў гасцей мерапрыемства з гісторыяй беларускага партызанскага руху.
Мерапрыемства наведалі прадстаўнікі дзяржаўных органаў Туркменістана, дзелавой супольнасці і грамадскасці, кіраўнікі дыпламатычных місій і офісаў міжнародных арганізацый, акрэдытаваных у Туркменістане.
За мінулыя два гады праект быў паспяхова прадстаўлены ва ўстановах культуры Малдовы, Турцыі, Казахстана і Узбекістана.
Матэрыял пададзены аддзелам сувязей з грамадскасцю.
