30 кастрычніка а 17-й гадзіне ў галерэі “Лабірынт” (3-ці паверх) адбудзецца ўрачыстае адкрыццё выстаўкі “Царства Саламона” мастака Юрыя Якавенкі.
Выстаўка арганізавана Нацыянальнай бібліятэкай Беларусі сумесна з галерэяй графікі “Кніжны салон”.
У экспазіцыі ўвазе гасцей прадстаўлена больш за 100 афортаў, якія былі выкананы мастаком з 2007 па 2013 год. Цалкам будуць паказаны серыі экслібрысаў “Карты Тара” і “Руны”.
Папкі з гравюрамі “Алфавіт”, “Кандацьеры”, “Ікар”, “Чатыры стыхіі”, а таксама некаторыя эксклюзіўныя, выкананыя ўручную кнігі як найбольш каштоўныя аб'екты будуць экспанавацца ў музеі кнігі Нацыянальнай бібліятэкі Беларусі. Тут наведвальнікі ўбачаць і арыгінальную гравюру Якавенкі “Коннікі”, якая выкарыстоўвалася ў афармленні падарункавага выдання Уладзіміра Караткевіча “Дзікае паляванне Караля Стаха”.
Выстаўка будзе даступна ўвазе наведвальнікаў у галерэі “Лабірынт” і музеі кнігі да 1 снежня 2014 года.
Тэлефоны для даведак: (8 017) 293 27 56, 293 28 33.
Е-mail: pr@nlb.by
