22 кастрычніка а 17-й гадзіне ў галерэі “Ракурс” (2-гі паверх) адбудзецца ўрачыстае адкрыццё рэспубліканскай мастацкай выстаўкі “Разумны метал”.
У аснове канцэпцыі экспазіцыі ляжыць новы погляд на метал з пункта гледжання розных відаў мастацтва: у выстаўцы бяруць удзел не толькі прафесійныя мастакі-“металісты”, але і мастакі-жывапісцы, скульптары-станкавісты, дызайнеры, мастакі тэкстылю.
Экспазіцыя ўключае работы вядомых мастакоў і ўчарашніх выпускнікоў Беларускай дзяржаўнай акадэміі мастацтваў, прадстаўляючы ўвазе гледача ўсё напрамкі дэкаратыўнага металу і станковай скульптуры.
Выстаўка будзе даступная ўвазе наведвальнікаў у галерэях “Ракурс” і “Лабірынт” да 24 лістапада 2014 года.
Тэлефоны для даведак: (8 017) 293 27 56, 293 28 33.
Е-mail: pr@nlb.by