![Адкрыццё выстаўкі-прагляду "У сэрцы з Радзімай"](/upload/iblock/f5c/f5c7b2d8eb28da3ac2911f3adb60253c.jpg "Адкрыццё выстаўкі-прагляду "У сэрцы з Радзімай"")
26 чэрвеня ў Нацыянальнай бібліятэцы Беларусі адбылося ўрачыстае адкрыццё кніжна-дакументальнай выстаўкі-прагляду "У сэрцы з Радзімай".
З прывітальным словам на мерапрыемстве выступілі першы намеснік дырэктара Нацыянальнай бібліятэкі Беларусі па абслугоўванні карыстальнікаў і ідэалогіі Алена Далгаполава; беларускі літаратуразнавец, крытык, празаік, публіцыст, доктар філалагічных навук, прафесар Адам Мальдзіс; дырэктар установы “Дзяржаўны музей гісторыі беларускай літаратуры” Лідзія Макарэвіч; беларускі паэт, публіцыст, дырэктар радыёстанцыі "Беларусь", член Саюза пісьменнікаў Беларусі Навум Гальпяровіч; супрацоўніца Інстытута культуры Беларусі Галіна Івуць; старшыня таварыства "Беларусь – Бельгія" Тамара Антановіч; аўтар кніг "Беларусы ў Аўстраліі", "Беларусы ў Вялікабрытаніі" Наталля Гардзіенка; кандыдат філалагічных навук, літаратуразнаўца, аўтар кніг пра беларускае замежжа Лідзія Савік. Народны ансамбль народнай песні "Гаманіна" Беларускага дзяржаўнага ўніверсітэта інфарматыкі і радыёэлектронікі (кіраўнік – Наталля Сазановіч) выканаў інструментальныя і песенныя творы.
Кніжна-дакументальная выстаўка-прагляд "У сэрцы з Радзімай" у Год кнігі падрыхтавана Нацыянальнай бібліятэкай Беларусі разам з Дзяржаўным музеем гісторыі беларускай літаратуры. На выстаўцы прадстаўлены каля 70-ці кніг па гісторыі стварэння беларускіх дыяспар, творы пісьменнікаў і паэтаў беларускага замежжа.
 |
 |
 |
 |
 |
