23 лістапада ў музеі кнігі Нацыянальнай бібліятэкі Беларусі адбылася прэзентацыя выстаўкі мініяцюрных выданняў з калекцыі азербайджанскага Музея мініяцюрнай кнігі "Выдатныя дзеячы сусветнай палітыкі".
Выстаўка з’яўляецца сумесным праектам Пасольства Рэспублікі Беларусь у Азербайджанскай Рэспубліцы і Нацыянальнай бібліятэкі Беларусі.
Да ўвагі наведвальнікаў прадстаўлены экспанаты прыватнага Музея мініяцюрнай кнігі, стваральнікам якога ў г. Баку (Азербайджан) з’яўляецца Зарифа Салахава.
На выстаўцы ў Нацыянальнай бібліятэцы Беларусі экспануецца больш за 60 выданняў з калекцыі Музея мініяцюрнай кнігі, прысвечаных выдатным дзяржаўным дзеячам сусветнай палітыкі. Сярод экспанатаў дэманструецца мініяцюрнае выданне пра візіт прэзідэнта Рэспублікі Беларусь А. Р. Лукашэнкі ў Азербайджан 2–4 чэрвеня 2010 г.
Адкрыла прэзентацыю намеснік дырэктара па навуковай працы і сувязях з грамадскасцю Нацыянальнай бібліятэкі Беларусі Людміла Кірухіна. Падрабязней пра выстаўку і прадстаўленыя на ёй выданні гасцям расказала заснавальнік Музея мініяцюрнай кнігі Зарыфа Салахава. У мерапрыемстве ўзялі ўдзел член Пастаяннай камісіі Палаты прадстаўнікоў Нацыянальнага сходу Рэспублікі Беларусь па адукацыі, культуры, навуцы і навукова-тэхнічным прагрэсе Алена Новік, прадстаўнікі азербайджанскай дыяспары ў Беларусі, супрацоўнікі Нацыянальнай бібліятэкі Беларусі.
Выстаўка будзе доўжыцца да 25 лістапада.