10 верасня ў Музеі беларускага кнігадрукавання (г. Полацк) адбылося адкрыццё выстаўкі “Выданні Францыска Скарыны з фондаў Нацыянальнай бібліятэкі Беларусі”.
Выстаўка прысвечана значным падзеям беларускай культуры – 25-годдзю Музея беларускага кнігадрукавання і 525-годдзю з дня нараджэння Францыска Скарыны.
На адкрыцці мерапрыемства выступілі дырэктар Нацыянальнага Полацкага гісторыка-культурнага музея-запаведніка Тамара Аляксандраўна Джумантаева, дырэктар Музея беларускага кнігадрукавання Алена Уладзіміраўна Шумовіч і намеснік дырэктара Нацыянальнай бібліятэкі Беларусі па навуковай рабоце і выдавецкай дзейнасці Аляксандр Аляксандравіч Суша.
Збор выданняў беларускага першадрукара Францыска Скарыны Нацыянальнай бібліятэкі Беларусі налічвае 10 кніг і з’яўляецца ўнікальным і адзіным у Беларусі.
На выстаўцы экспануюцца дзве кнігі Францыска Скарыны з фондаў Нацыянальнай бібліятэкі Беларусі – “Кніга царстваў” і “Эклезіяст”, выдадзеныя ў Празе ў 1517 годзе.
Выстаўка будзе дэманстравацца да 30 верасня 2015 г.
 |
 |
 |
 |
 |
 |
