12 лістапада а 17-й гадзіне ў галерэі “Лабірынт” (3-ці паверх) адбудзецца ўрачыстае адкрыццё VI Мінскай міжнароднай выстаўкі графікі “Арт-лінія”.
Сёлетняя “Арт-лінія” прысвячаецца 500-годдзю афорта (гравюра па метале). Менавіта ў гэтай тэхніцы працаваў класік французскай гравюры XIX стагоддзя Шарль Мерыён, афортамі якога захапляліся Віктор Гюго, Бадлер і Ван Гог.
Калекцыя арыгінальных афортаў гэтага аўтара размесціцца ў галерэі “Атрыум”. Акрамя таго, увазе гледачоў будзе прадстаўлена падборка афортаў розных краін Еўропы XVIII–XX стст., а таксама тэматычная кніжная выстаўка “Колер у чорна-белым”, прысвечаная 500-годдзю афорта.
Блок сучасных твораў прадэманструе работы мастакоў з Беларусі, Расіі і Польшчы, выкананыя ў розных тэхніках – ад афорта да лічбавай графікі. Побач з творамі сталых майстроў будуць экспанавацца работы маладых графікаў з фондаў Беларускай дзяржаўнай акадэміі мастацтваў.
Выстаўка будзе працаваць да 17 снежня 2013 года.
Тэлефон для даведак: (8017) 293 27 56.
Е-mail: pr@nlb.by
Чытайце таксама: