28 сакавіка а 17-й гадзіне ў галерэі “Ракурс” адбудзецца ўрачыстае адкрыццё V Мінскай міжнароднай выстаўкі графікі “Арт-лінія”.
Адна з самых прадстаўнічых выставак графікі ў Беларусі збярэ сёлета пад сваёй эгідай работы мастакоў больш як з 10 краін свету (Беларусі, Расіі, Украіны, Таджыкістана, Казахстана, Польшчы, Бельгіі і інш.).
Адным са складнікаў пятай “Арт-лініі” стане выстаўка твораў мастакоў – удзельнікаў творчых майстэрняў “Сенеж” (Расія), якія доўгі час узначальваў народны мастак Беларусі, лаўрэат Дзяржаўнай прэміі Рэспублікі Беларусь, член Нацыянальнай акадэміі навук Беларусі і Расійскай акадэміі мастацтваў Георгій Паплаўскі.
Традыцыйна ў рамках праекта будзе дэманстравацца рэтрапраграма, якая змяшчае працы еўрапейскіх класікаў з фондаў Нацыянальнай бібліятэкі Беларусі. На гэты раз рэтрапраграма прадставіць калекцыю эстампаў бельгійскага мастака-сімваліста Фелісьена Ропса.
Выстаўка будзе доўжыцца да 10 мая 2012 года.
Тэлефоны для даведак: 293-27-67; 293-28-23.
Е-mail: pr@nlb.by
