10 лістапада ў канферэнц-зале адбылося ўрачыстае адкрыццё VII Міжнародных кнігазнаўчых чытанняў “Бібліятэкі і палітыка адкрытага доступу да інфармацыі і ведаў”.
Арганізатарамі чытанняў выступілі Міністэрства культуры Рэспублікі Беларусь, Бібліятэчная асамблея Еўразіі, Беларуская бібліятэчная асацыяцыя, Нацыянальная бібліятэка Беларусі, Нацыянальны гісторыка-культурны музей-запаведнік “Нясвіж”.
Распачаў VII Міжнародныя кнігазнаўчыя чытанні дырэктар Нацыянальнай бібліятэкі Беларусі Раман Матульскі. З прывітальнымі словамі выступілі начальнік упраўлення ўстаноў культуры і народнай творчасці Міністэрства культуры Рэспублікі Беларусь Уладзімір Шавялёў, намеснік старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па адукацыі, культуры, навуцы і навукова-тэхнічным прагрэсе Святлана Сухавей, старшыня Нацыянальнай камісіі Рэспублікі Беларусь па справах ЮНЕСКА Уладзімір Шчасны.
У рабоце канферэнцыі прымаюць удзел звыш 300 дэлегатаў з Беларусі, Расіі, Украіны, Літвы, Швейцарыі: вядучыя спецыялісты бібліятэк, музеяў, выдавецтваў, адукацыйных і навукова-даследчых устаноў, грамадскіх арганізацый, прадстаўнікі заканадаўчай сферы і выканаўчых улад, вытворцы праграмнага забеспячэння, тэхнічных сродкаў і інфармацыйнай прадукцыі.