19 сакавіка а 16 гадзіне ў галерэі “Атрыум” (3-ці паверх) адбудзецца ўрачыстае адкрыццё культурна-асветніцкага праекта “Будзь гаспадаром!”.
Праект “Будзь гаспадаром!” уключае кніжную выстаўку і выстаўку беларускага агітацыйнага плаката 70–80 гадоў XX ст.
У экспазіцыі прадстаўлена 46 аўтарскіх плакатаў з фондаў Нацыянальнай бібліятэкі Беларусі. Сярод аўтараў такія вядомыя майстры плаката, як А.М. Чуркін, М.В. Гурло, С.А. Волкаў, У.І. Жук, С.І. Ярохін, Т.В. Гардашнікава і інш.
Адна з мэтаў праекта – паказаць плакат не толькі як агітацыйны і ідэалагічны. Плакат з’яўляецца гісторыка-мастацкім дакументам “свайго часу” – часу нараджэння і непасрэднай службы на вулічных стэндах і ў грамадскіх інтэр’ерах. Ён захоўвае сваю актуальнасць як удзельнік падзей. Таму кожная выстаўка плакатнага мастацтва атрымлівае грамадскі рэзананс, уваскрашаючы мінулае, служыць паказчыкам адносін да яго ў сённяшнія дні.
Тэлефоны для даведак: (8 017) 293 27 67; 293 28 33.
Е-mail: pr@nlb.by