22 кастрычніка а 17-й гадзіне ў мабільнай галерэі Нацыянальнай бібліятэкі Беларусі адбудзецца ўрачыстае адкрыццё культурна-асветніцкага праекта “Беларусь і ААН: гісторыя і сучаснасць”.
Праект арганізаваны Прадстаўніцтвам ААН у Рэспубліцы Беларусь сумесна з Нацыянальнай бібліятэкай Беларусі да Дня Арганізацыі Аб'яднаных Нацый (24 кастрычніка) і складаецца з фота- і кніжнай выставак “ААН для міру і дабрабыту народаў”.
У дакументах, экспануемых на кніжнай выстаўцы, раскрываецца шматгранная дзейнасць ААН ва ўсім свеце, а ў асобным раздзеле прадстаўлена літаратура, якая асвятляе розныя аспекты супрацоўніцтва Беларусі з гэтай міжнароднай арганізацыяй. Экспазіцыя змяшчае звыш 100 дакументаў з фондаў Нацыянальнай бібліятэкі Беларусі на рускай і англійскай мовах: кнігі, перыядычныя выданні, мімеаграфаваныя матэрыялы ААН, брашуры, буклеты.
Фотаэкспазіцыя, у сваю чаргу, уяўляе сабой два тэматычныя раздзелы. Першы з іх прысвечаны гісторыі ААН і той ролі, якую выконвала Беларусь пры яе стварэнні. Другі адлюстроўвае дзейнасць арганізацый сістэмы ААН у рамках дасягнення Мэтаў у галіне развіцця, сфармуляваных у Дэкларацыі тысячагоддзя.
Тэлефоны для даведак: (8 017) 293 27 34 , 293 27 56.
Е-mail: pr@nlb.by