20 лютага 2009 года ў Нацыянальнай бібліятэцы Беларусі адбылося адкрыццё тэматычнай кніжнай выстаўкі “Гонар маем!” да Дня абаронцаў Айчыны.
На выстаўцы прадстаўлена больш за 150 дакументаў з гісторыі Чырванасцяжнай Беларускай ваеннай акругі, вопыту ваеннага будаўніцтва ў рэспубліцы (пачатак 90-х гг.), дакументы, у якіх раскрываюцца асноўныя кірункі рэфармавання ваеннай арганізацыі дзяржавы і Узброеных Сіл на сучасным этапе.
У экспазіцыі прадстаўлены юбілейныя прэзентацыйныя выданні, падрыхтаваныя Міністэрствам абароны Рэспублікі Беларусь, сучасныя ваенныя энцыклапедычныя і тлумачальныя слоўнікі, якія змяшчаюць падрабязныя звесткі па сусветнай ваеннай гісторыі, ваенным мастацтве і ўзбраенні.
У рамках мерапрыемства прайшла прэзентацыя новага выдання кнігі “Философия современного военного строительства”, падрыхтаваная сумесна Міністэрствамі абароны і інфармацыі Рэспублікі Беларусь.
Ва ўрачыстым адкрыцці мерапрыемства прынялі ўдзел намеснік дырэктара Нацыянальнай бібліятэкі па навуковай рабоце і сувязях з грамадскасцю Л.Г. Кірухіна, загадчык сектара арганізацыі кніжных выставак аддзела галерэйна-выставачнай дзейнасці В.У. Ліхімовіч, начальнік упраўлення інфармацыі Міністэрства абароны палкоўнік У.М. Макараў, а таксама прадстаўнікі Мінскага сувораўскага ваеннага вучылішча і Міністэрства абароны.
Выстаўка размешчана ў кальцавым калідоры 2-га паверха да 20 сакавіка 2009 года.
Кантактныя тэлефоны: 293-28-86, 293-27-67.
E-mail: pr@nlb.by
 |
 |
 |
 |
 |
 |
