15 кастрычніка а 15-й гадзіне ў галерэі "Панарама" Нацыянальнай бібліятэкі Беларусі адбудзецца ўрачыстае адкрыццё фотавыстаўкі "Погляд на Мір".
Музей "Замкавы комплекс «Мір»" і прадстаўніцтва кампаніі Samsung у Беларусі запрашаюць на адкрыццё выстаўкі, дзе будуць прадстаўлены лепшыя работы фотапленэру "Погляд на Мір".
"Погляд на Мір" – гэта ўнікальны праект для аматараў жанру travel-фота. Фатаграфічнае падарожжа праходзіла ў Мірскім замку і яго наваколлі ў маі і чэрвені 2013 года. Маршруты фотасесій прайшлі па экспазіцыі музея, тэрыторыі замкавага комплексу, гістарычнай частцы пасёлка Мір.
У праекце ўзялі ўдзел прафесіяналы і фатографы-аматары, якія захавалі прыгажосць і непаўторную гармонію архітэктуры Мірскага замка і наваколля.
Тэлефоны для даведак: (8 017) 293 27 67, 293 28 33.
Е-mail: pr@nlb.by