1 чэрвеня 2009 года а 17-й гадзіне ў галерэі “Панарама” адбудзецца адкрыццё вернісажу фотапраекта “Праменьчык сонца”, прымеркаванага да Міжнароднага дня абароны дзяцей.
1 чэрвеня ва ўсіх краінах адзначаецца Міжнародны дзень абароны дзяцей. Гэта не толькі адно з радасных святаў для дзятвы, але і напамінак дарослым пра тое, што дзеці маюць патрэбу ў іх пастаянным клопаце і абароне і што дарослыя нясуць адказнасць за іх.
Фотавыстаўка “Праменьчык сонца” з’яўляецца вынікам працы вядомых беларускіх фотамастакоў Віталя Брусінскага, Сяргея Кажамякіна і Віктара Суглоба, якія падрыхтавалі серыю фатаграфій выхаванцаў дзіцячых дамоў. У экспазіцыі будзе прадстаўлена больш за 50 фотаработ.
Наведаць выстаўку можна будзе да 1 жніўня з боку ўваходу на аглядную пляцоўку ў адпаведнасці з рэжымам яе працы.
Кантактныя тэлефоны: 293-28-86, 293-27-67.
E-mail: pr@nlb.by