Арганізацыйны камітэт V Міжнароднага кангрэса “Бібліятэка як феномен культуры”, які адбудзецца 18–19 кастрычніка ў Нацыянальнай бібліятэцы Беларусі, абвяшчае аб адкрыцці рэгістрацыі ўдзельнікаў.
Галоўная тэма форуму ў гэтым годзе – “Камфортнае асяроддзе бібліятэк: новыя тэхналагічныя і матэрыяльна-тэхнічныя рашэнні”.
Запрашаем да ўдзелу ў кангрэсе спецыялістаў бібліятэк, музеяў, архіваў, навукова-даследчых арганізацый, адукацыйных устаноў, прадстаўнікоў заканадаўчай сферы, распрацоўшчыкаў і вытворцаў праграмнага забеспячэння, тэхнічных сродкаў і інфармацыйнай прадукцыі.
Плануемыя тэмы для абмеркавання:
- Праектаванне і будаўніцтва бібліятэчных будынкаў: гісторыя і сучаснасць
- Архітэктура, дызайн і арганізацыя прасторы бібліятэк
- Інжынерная інфраструктура бібліятэк: электразабеспячэнне, асвятленне, ацяпленне, вентыляцыя і кандыцыянаванне паветра
- Мэбля і іншае спецыяльнае бібліятэчнае абсталяванне
- Аўдыя-, відэа-, тэле-, медыятэхналогіі ў бібліятэцы
- Сродкі і тэхналогіі забеспячэння аховы, захаванасці і бяспекі ў бібліятэцы
- Тэхнічныя сродкі сувязі і сістэмы тэлекамунікацыі ў бібліятэцы
- Сеткавыя тэхнічныя і праграмныя сродкі бібліятэк
- Тэхналогіі воблачных вылічэнняў у дзейнасці бібліятэк
- Інфармацыйна-пошукавыя сістэмы бібліятэк
- Электронныя бібліятэкі і анлайн-рэсурсы ў бібліятэчна-інфармацыйнай прасторы
- Тэхнічныя сродкі сканавання, капіравання, тыражавання дакументаў у бібліятэцы
- Інтэрнэт-тэхналогіі ў дзейнасці бібліятэк: паслугі і сэрвісы
Больш падрабязная інфармацыя аб кангрэсе і рэгістрацыя ўдзельнікаў – на сайце канферэнцыі.