Адкрыта рэгістрацыя ўдзельнікаў на VII Міжнародны кангрэс “Бібліятэка як феномен культуры”, які адбудзецца ў Нацыянальнай бібліятэцы Беларусі 21–23 кастрычніка 2020 г.
Галоўнай тэмай чарговага этапу маштабнага навуковага мерапрыемства, які стаў ужо традыцыйным, абрана краязнаўчая дзейнасць як магістральны напрамак захавання і папулярызацыі гісторыка-культурнай спадчыны краін і народаў. Гэта яшчэ адзін уклад у Год малой радзімы, своеасаблівае падвядзенне яго вынікаў.
Праблемнае поле кангрэса адрозніваецца шырынёй і разнастайнасцю, краязнаўчую тэматыку плануецца разгледзець з самых розных аспектаў і пунктаў гледжання.
У рамках кангрэса прадугледжваецца таксама правядзенне I Міжнароднага краязнаўчага форуму краін СНД “Гісторыка-культурная спадчына рэгіёнаў: вывучэнне, захаванне, папулярызацыя”.
Для ўдзелу ў мерапрыемстве запрашаюцца спецыялісты бібліятэк, музеяў, архіваў, навукова-даследчых арганізацый, адукацыйных устаноў, цэнтраў народнай творчасці, краязнаўцы-аматары, распрацоўшчыкі і вытворцы інфармацыйнай прадукцыі, прадстаўнікі грамадскіх і культурных арганізацый беларусаў у замежных краінах, іншыя зацікаўленыя асобы.
Больш падрабязная інфармацыя аб кангрэсе і рэгістрацыя ўдзельнікаў – на сайце кангрэса.
Матэрыял прадастаўлены навукова-даследчым аддзелам бібліяграфіі.