Адкрыта рэгістрацыя ўдзельнікаў на X Міжнародны кангрэс “Бібліятэка як феномен культуры”, які адбудзецца ў Нацыянальнай бібліятэцы Беларусі 19–20 кастрычніка 2023 года.
На кангрэсе плануецца абмеркаваць пытанні развіцця бібліятэк у нацыянальнай лічбавай экасістэме; фарміравання інфармацыйнай культуры карыстальнікаў; нарматыўнага прававога забеспячэння бібліятэчнай дзейнасці; статыстычнага ўліку; разгледзець інавацыйныя падыходы да арганізацыі фондаў, абслугоўвання карыстальнікаў; прааналізаваць асноўныя напрамкі навукова-даследчай дзейнасці бібліятэк, прафесійныя кампетэнцыі бібліятэчных спецыялістаў у сучасных умовах і многае іншае.
Запрашаем да ўдзелу ў мерапрыемстве спецыялістаў бібліятэк, музеяў, архіваў, навукова-даследчых арганізацый, адукацыйных устаноў, выдавецтваў, прадстаўнікоў дзяржаўных структур і грамадскіх арганізацый.
Больш падрабязная інфармацыя пра кангрэс і рэгістрацыя ўдзельнікаў – на сайце канферэнцыі.
Матэрыял пададзены навукова-даследчым аддзелам бібліятэказнаўства.