23 мая ў Нацыянальнай бібліятэцы Беларусі адбылося адкрыццё III Форуму бібліятэкараў Беларусі "Гуманітарна-асветніцкая дзейнасць бібліятэк у кантэксце агульначалавечых каштоўнасцей і беларускай дзяржаўнасці".
Арганізатары – Міністэрства культуры Рэспублікі Беларусь, грамадскае аб’яднанне "Беларуская бібліятэчная асацыяцыя", дзяржаўная ўстанова "Нацыянальная бібліятэка Беларусі" і Лагойскі раённы выканаўчы камітэт.
З прывітальным словам выступілі намеснік міністра культуры Рэспублікі Беларусь Чэрнік Васіль Мечыслававіч, намеснік старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па адукацыі, культуры і навуцы Жылінскі Марат Генадзевіч. Таксама сваё прывітанне ўдзельнікам форуму перадаў намеснік прэм’ер-міністра Рэспублікі Беларусь Тозік Анатоль Афанасьевіч.
Дырэктар Нацыянальнай бібліятэкі Беларусі Матульскі Раман Сцяпанавіч і дырэктар Мінскай абласной бібліятэкі імя А.С. Пушкіна Чуева Наталля Станіславаўна на адкрыцці форуму выступілі з дакладамі.
У мерапрыемстве бяруць удзел звыш 350 дэлегатаў з Беларусі – вядучыя спецыялісты бібліятэк, адукацыйных устаноў, прадстаўнікі заканадаўчай і выканаўчай улады.
На пленарным і секцыйных пасяджэннях будуць абмяркоўвацца праблемы нарматыўнага прававога забеспячэння бібліятэчнай галіны, карпаратыўнага ўзаемадзеяння бібліятэк Беларусі, укаранення інфармацыйных тэхналогій у іх дзейнасць, месца бібліятэк у сацыякультурным асяроддзі рэгіёнаў, бібліятэчнай прафесіі. Будуць прадстаўлены вынікі дзейнасці і прыярытэты развіцця ГА "Беларуская бібліятэчная асацыяцыя".
Чытайце таксама: