8 кастрычніка ў Нацыянальнай бібліятэцы Беларусі адбыўся семінар “Інфармацыйныя рэсурсы і сэрвісы кампаніі EBSCO Publishing”.
Мерапрыемства арганізавана Нацыянальнай бібліятэкай Беларусі і EBSCO Publishing у рамках дзейнасці Савета бібліятэк Беларусі па інфармацыйным узаемадзеянні.
У семінары ўзялі ўдзел звыш 80 чалавек: кіраўнікі і спецыялмсты бібліятэк і іншых інфармацыйных устаноў Беларусі, зацікаўленых у павышэнні якасці інфармацыйнага абслугоўвання насельніцтва, а таксама навуковыя супрацоўнікі, выкладчыкі вышэйшых навучальных устаноў, маладыя вучоныя.
Пад час мерапрыемства адбыліся прэзентацыі новых паўнатэкставых і рэфератыўных баз даных EBSCO па гуманітарных і прыродазнаўчых навуках, прадстаўлены функцыянальныя магчымасці электронных кніг EBSCO, а таксама асаблівасці сістэмы інтэграванага пошуку EBSCO Discovery Service.