У Нацыянальнай бібліятэцы Беларусі 26 сакавіка прайшло пашыранае пасяджэнне камітэтаў па каталагізацыі, ахове кніжных помнікаў Беларускай бібліятэчнай асацыяцыі і рабочай групы Савета бібліятэк Беларусі па інфармацыйным узаемадзеянні.
У рабоце пасяджэння ўдзельнічалі больш за 40 прадстаўнікоў рэспубліканскіх, абласных бібліятэк, бібліятэк вышэйшых навучальных устаноў і Нацыянальнай кніжнай палаты.
Мерапрыемства было прысвечана абмеркаванню праекта Праграмы развіцця нацыянальнай бібліяграфіі Беларусі на 2011–2015 гг. і на перспектыву.
Прапанаваны праект быў станоўча ацэнены, выказаны заўвагі і прапановы па дапрацоўцы праграмы. Вызначаны асноўныя кірункі дзейнасці бібліятэк у стварэнні зводнага электроннага інфармацыйнага рэсурсу нацыянальнай бібліяграфіі Беларусі.
 |
 |
 |
 |
 |
 |
