ГалоўнаяНавіныНавіны Нацыянальнай бібліятэкі Беларусі
Перадача ў дар кніг
Выстаўка акварэлі “Акварэалізм”

Аб унясенні змяненняў і дапаўненняў у мадэльны Бібліятэчны кодэкс для дзяржаў – удзельніц СНД

Іншыя навіны

Нацыянальнай бібліятэкай Беларусі падрыхтаваны і накіраваны ў Бібліятэчную асамблею Еўразіі прапановы аб унясенні змяненняў і дапаўненняў у мадэльны Бібліятэчны кодэкс для дзяржаў – удзельніц СНД.


Прапанавана ўнесці змяненні і дапаўненні ў мадэльны Бібліятэчны кодэкс для дзяржаў – удзельніц СНД у частцы, што датычыцца стварэння электронных копій дакументаў і даступнасці іх карыстальнікам (у адпаведнасці з Законам Рэспублікі Беларусь, зацверджаным 17 мая 2011 г. № 262-З, прынятым Палатай прадстаўнікоў 27 красавіка 2011 г. і адобранай Саветам Рэспублікі 28 красавіка 2011 г.).

16 мая 2012 г. адбылося пасяджэнне Пастаяннай камісіі МПА СНД па культуры, інфармацыі, турызме і спорце, на якім былі адобраны дадзеныя прапановы.

Камісія пастанавіла:

  1. Пагадзіцца з прапановай Бібліятэчнай асамблеі Еўразіі і дапоўніць артыкул 51 "Агульнадаступнасць нацыянальнай бібліятэкі" раздзела 16 мадэльнага Бібліятэчнага кодэксу для дзяржаў – удзельніц СНД абзацамі наступнага зместу:
    • "дазволам ствараць адзінкавыя копіі, у тым ліку ў электроннай форме, экзэмпляраў твораў, правамерна ўведзеных у грамадзянскае абарачэнне пры ўмове адсутнасці мэты здабывання прыбытку без згоды аўтара або іншага праваўладальніка і без выплаты аўтарскай узнагароды, але з абавязковым указаннем імя аўтара, твор якога выкарыстоўваецца, і крыніцы запазычання:
      1. у мэтах забеспячэння захаванасці і даступнасці для карыстальнікаў:
        • старых, зношаных, сапсаваных, дэфектных экзэмпляраў твораў;
        • адзінкавых і (або) рэдкіх экзэмпляраў твораў, рукапісаў, выдача якіх карыстальнікам можа прывесці да іх страты, псавання або знішчэння;
        • экзэмпляраў твораў, запісаных на машыначытаемых носьбітах, для карыстання якімі адсутнічаюць неабходныя сродкі;
        • экзэмпляраў твораў, якія маюць выключна навуковае і адукацыйнае значэнне;
      2. у мэтах узнаўлення, замены страчаных або сапсаваных экзэмпляраў твора, а таксама для перадачы экзэмпляраў твора іншым агульнадаступным бібліятэкам, страціўшым іх па якіх-небудзь прычынах са сваіх фондаў.

      Пры гэтым экзэмпляры твораў, выражаныя ў электроннай форме, могуць выдавацца ў часовае бязвыплатнае карыстанне (у тым ліку ў парадку ўзаемнага выкарыстання бібліятэчных рэсурсаў) толькі ў памяшканні бібліятэкі пры ўмове выключэння магчымасці далейшага стварэння электронных копій твора;

    • дазволам ствараць у адзіным экзэмпляры і выдаваць копіі, у тым ліку ў электроннай форме, асобных артыкулаў і малааб’ёмных твораў, правамерна апублікаваных у зборніках, газетах і перыядычных друкаваных выданнях, кароткіх урыўкаў з іншых правамерна апублікаваных пісьмовых твораў (з ілюстрацыямі або без ілюстрацый) па пытаннях грамадзян для навуковых і адукацыйных мэт пры ўмове адсутнасці мэты здабывання прыбытку без згоды аўтара або іншага праваўладальніка і без выплаты аўтарскай узнагароды, але з абавязковым указаннем імя аўтара, твор якога выкарыстоўваецца, і крыніцы запазычання".
  2. Прасіць Савет Міжпарламенцкай асамблеі дзяржаў – удзельніц Садружнасці Незалежных Дзяржаў уключыць пытанне "Аб унясенні дапаўнення ў мадэльны Бібліятэчны кодэкс для дзяржаў – удзельніц СНД" на разгляд пленарнага пасяджэння Міжпарламенцкай асамблеі дзяржаў – удзельніц СНД.
  3. Даручыць старшыні камісіі, члену Камітэта Савета Федэрацыі Федэральнага Сходу Расійскай Федэрацыі па канстытуцыйным заканадаўстве, прававых і судовых пытаннях, развіцці грамадзянскага супольніцтва Я.Г. Тарло выступіць на пленарным пасяджэнні Міжпарламенцкай асамблеі дзяржаў – удзельніц СНД па дадзеным пытанні.
Навіны

Кансервацыя папяровых дакументаў: сучасны стан, тэндэнцыі развіцця

26 Май 2020

26 мая аддзелам рэстаўрацыі і кансервацыі бібліятэчных дакументаў Нацыянальнай бібліятэкі Беларусі быў праведзены вэбінар для абласных бібліятэк на тэму “Кансервацыя папяровых дакументаў: сучасны стан, тэндэнцыі развіцця”.

Бібліятэка анлайн

І зноў пра Вялікую Айчынную вайну: дакументы, артыкулы, успаміны пра ваенныя падзеі і абаронцаў – у інфармацыйным рэсурсе “Дзяржыншчына гераічная”

26 Май 2020

Аддаючы даніну памяці ўдзельнікам Вялікай Айчыннай вайны і загінулым, віртуальная чытальная зала Нацыянальнай бібліятэкі Беларусі працягвае знаёміць карыстальнікаў з краязнаўчымі рэсурсамі публічных бібліятэк, прысвечанымі гэтай тэме. На гэты раз прадстаўляем “Дзяржыншчыну гераічную” – электронны рэсурс Дзяржынскай раённай цэнтралізаванай бібліятэчнай сістэмы.

Бібліятэка анлайн

26 Май 2020

Wir.by публікуе лекцыі пра беларускую культуру. Гэта відэа, падкасты, артыкулы і нават гульні. Сярод асноўных тэм — лінгвістыка, літаратура, жывапіс, гісторыя, міфалогія, архітэктура і кіно.

Навіны бібліятэк

Буктрэйлеры: “Живые и мёртвые” Канстанціна Сіманава

26 Май 2020

Канстанцін Сіманаў сустрэў 1941 год ужо сфармаваным літаратарам, журналістам. Таму яго погляд на падзеі, у гушчы якіх ён апынуўся, асабліва каштоўны. Бо выяўленчая сіла літаратурнага таленту і пісьменніцкая назіральнасць дапамаглі яму разглядзець і захаваць на паперы шматлікія важныя дэталі жыцця на вайне.

Буктрэйлеры

Гісторыя, інтэрв’ю, экскурсіі ды іншыя цікавосткі – топ відэа пра Нацыянальную бібліятэку Беларусі

22 Май 2020

Нацыянальная бібліятэка Беларусі, турбуючыся пра здароўе сваіх чытачоў, часова зачыніла свае дзверы для наведвальнікаў, але па-ранейшаму працягвае актыўную працу анлайн.

Бібліятэка анлайн

Зводны электронны каталог бібліятэк Беларусі – для дыстанцыйнага абслугоўвання карыстальнікаў

22 Май 2020

З пераходам бібліятэк на дыстанцыйную форму абслугоўвання Зводны электронны каталог бібліятэк Беларусі можа стаць цудоўным памочнікам у пошуку і аддаленай працы з фондамі найбуйнейшых бібліятэк краіны.

Бібліятэка анлайн

22 мая – 120 гадоў з дня нараджэння вядомага беларускага вучонага Мікалая Іванавіча Каспяровіча

22 Май 2020

Славуты беларускі навуковец М.І. Каспяровіч (1900–1937) пакінуў значны след у гісторыі культуры Беларусі. Яго цікавілі літаратура і мова, архітэктура і жывапіс, гісторыя і этнаграфія, але найбольшую вядомасць ён атрымаў як выдатны краязнаўца і арганізатар беларускага краязнаўчага руху першай трэці ХХ ст.

Па старонках беларускага календара

111