25 лістапада ў бібліятэцы прайшоў семінар “Роля ініцыятывы адкрытага доступу ў інфармацыйным забеспячэнні міжнароднага навукова-тэхнічнага супрацоўніцтва”.
З дакладам “Магчымасці для міжнароднага супрацоўніцтва Беларусі і Еўрапейскага саюза ў рамках праграм ЕС на перыяд да 2020 года: ІКТ у фокусе” выступіла Таццяна Ляднова, загадчык аддзела міжнароднага навукова-тэхнічнага і інавацыйнага супрацоўніцтва Беларускага інстытута сістэмнага аналізу, кіраўнік Нацыянальнага кантактнага пункта ў сферы ІКТ (ICT NCP H2020).
Вялікую цікавасць выклікаў даклад “Адкрыты доступ і адкрытая навука ў Сёмай рамачнай праграме і ў Рамачнай праграме Еўрапейскага саюза па навуцы і інавацыях «Гарызонт 2020»”, прадстаўлены Ірынай Кучмай, кіраўніком праграм па адкрытым доступе міжнароднага кансорцыума EIFL (Electronic information for libraries).
Даклад супрацоўніка Нацыянальнай бібліятэкі Беларусі Вячаслава Брычкоўскага, нацыянальнага каардынатара EIFL у Рэспубліцы Беларусь, быў прысвечаны выкарыстанню метадаў і інструментаў навукаметрычнага аналізу для павышэння эфектыўнасці навуковых даследаванняў і міжнароднага навукова-тэхнічнага супрацоўніцтва.
У рабоце семінара прынялі таксама ўдзел прадстаўнікі ВНУ і бібліятэк Рэспублікі Беларусь.
Падчас дыскусій былі абмеркаваны пытанні, звязаныя з лічбавай трансфармацыяй навуковых камунікацый, выкарыстаннем рэсурсаў адкрытага доступу ў інавацыйнай дзейнасці, інтэграцыяй навукова-адукацыйных рэсурсаў Рэспублікі Беларусь у еўрапейскую інфармацыйную прастору.
 |
 |
 |
 |
 |
 |
