22 студзеня на базе Фундаментальнай бібліятэкі Беларускага дзяржаўнага ўніверсітэта прайшлі выязныя практычныя занятакі-трэнінг для 40 бібліятэкараў і бібліёграфаў з розных філіялаў бібліятэкі.
Галоўны бібліёграф аддзела даведачна-інфармацыйнага абслугоўвання Нацыянальнай бібліятэкі Беларусі Святлана Кандратовіч на канкрэтных прыкладах распавяла калегам пра асноўныя правілы, метадычныя рашэнні і практыку прымянення ўзораў апісанняў дакументаў пры афармленні бібліяграфічных спісаў.
Калегі з Фундаментальнай бібліятэкі БДУ адзначылі неабходнасць актывізаваць працу ў гэтым напрамку ў сувязі з ростам зваротаў студэнтаў і выкладчыкаў універсітэта па дапамогу ў афармленні бібліяграфіі.
Прапануем паслугу “Рэдагаванне бібліяграфічнага спіса да навуковай працы”
На трэнінгу бібліёграфы БДУ актуалізавалі свае веды па тэме заняткаў, змаглі задаць пытанні, якія іх цікавілі, разабралі прыватныя выпадкі бібліяграфічнага апісання рэдкіх выданняў і дакументаў міжнародных арганізацый.
Сустрэча і прафесійныя зносіны прайшлі ў сяброўскай рабочай атмасферы да ўзаемнай карысці бібліёграфаў нашых бібліятэк.
Матэрыял прадастаўлены аддзелам даведачна-інфармацыйнага абслугоўвання.
