Жадаеце даведацца ва ўсіх падрабязнасцях, хто такі Францыск Скарына і чым ён займаўся? Далучайцеся да інтэрактыўнай акцыі “Чытаем Скарыну разам”!
Акцыя стартуе 5 верасня а 16-й гадзіне ў Нацыянальнай бібліятэцы Беларусі (атрыум 2-га паверха) і будзе доўжыцца два дні – да 21-й гадзіны 6 верасня. Падчас урачыстага адкрыцця дырэктар Нацыянальнай бібліятэкі Беларусі Раман Матульскі і дырэктар Мінскага гарадскога педагагічнага каледжа Кацярына Пятруцкая прачытаюць урыўкі з кніг Скарыны і прывітаюць першых удзельнікаў акцыі.
А далей − праграма вольная! На працягу двух дзён будуць працаваць тэматычныя пляцоўкі, дзе кожны наведвальнік, незалежна ад узросту, зможа цікава і пазнавальна правесці час.
Самых маленькіх запрашаем у “Дзіцячы куток” на займальны тэматычны ўрок “Францыск Скарына – наш слаўны першадрукар” і на майстар-клас па арыгамі “Падарунак Скарыны”. Дзяцей таксама чакаюць вясёлыя актыўнасці ад вядомага ўсёй сталіцы праекта “ЗаЧтение”. І канешне, не абыдзецца без мультфільмаў пра Яе Вялікасць Кнігу. Замацаваць пачутае і ўбачанае юныя гісторыкі змогуць на выстаўцы дзіцячых кніг пра першадрукара.
У “Маладзёжным кутку” таксама будзе дзейнічаць выстаўка папулярнай мастацкай літаратуры пра Скарыну – кнігі больш сур’ёзныя, аднак такія ж цікавыя і пазнавальныя. Акрамя таго, тут можна будзе паспрабаваць сябе ў ролі першадрукара і паўдзельнічаць у майстар-класе па кнігадрукаванні.
На пляцоўцы “Навукоўцы пра Скарыну” адбудзецца сустрэча з Аляксандрам Сушай, намеснікам дырэктара Нацыянальнай бібліятэкі Беларусі, скарыназнаўцам, які адкажа на пытанні і паведаміць шмат цікавага і новага з жыцця нашага знакамітага земляка. А тое, што будзе недаказана, шукайце на выстаўцы навуковай літаратуры і артыкулаў з часопісаў і газет пра Скарыну і чэрпайце з мастацкіх і дакументальных фільмаў пра славутага палачаніна ў “Кіназале”. А прыгажосць аўтарскіх пісаных шрыфтоў і каліграфіі Усевалада Свентахоўскага змогуць ацаніць тыя, хто наведае выстаўку “Літары і словы Скарыны”.
Каб цалкам адчуць смак дзеяння, не забудзьце завітаць на пляцоўку “Скарынаўскія скарбы «дыямента»”, дзе вы пабачыце знакамітае юбілейнае выданне “Кніжная спадчына Францыска Скарыны”. Увесь шматтомнік − не ў шафе і не пад шклом стэлажа, а адкрыты для знаёмства і чытання. Прыходзьце, гартайце, чытайце! Далучайцеся да акцыі ўсёй сям’ёй і будзьце не толькі сведкамі, але і ўдзельнікамі важных падзей!
ПАДРАБЯЗНУЮ ПРАГРАМУ АКЦЫІ ГЛЯДЗІЦЕ ТУТ
Уваход вольны!
P.S. Той рэдкі выпадак, калі і чытацкі білет не патрабуецца.
Да сустрэчы!
Тэлефоны для даведак: (8 017) 266 37 37, 293 28 81, 293 27 56.
Е-mail: pr@nlb.by
Чытайце таксама:
- Падарунак да юбілею: завершаны праект па факсімільным перавыданні спадчыны Скарыны
- Пад знакам вялікага Скарыны: мерапрыемствы ў Казахстане
- У Чэхіі адзначылі юбілей беларускага і ўсходнеславянскага кнігадрукавання
- Факсіміле кніжнай спадчыны Скарыны падорана Расійскай нацыянальнай бібліятэцы
- Кніжная спадчына Францыска Скарыны дастаўлена ў Кітай
- Маштабны юбілей: у Літве прайшлі мерапрыемствы да 500-годдзя беларускага кнігадрукавання
- Факсіміле спадчыны Скарыны перададзена Каралеўскай бібліятэцы Даніі
- Кніжная спадчына Францыска Скарыны дастаўлена ў Эстонію
- Кніжная спадчына Францыска Скарыны – у Латвіі
- “Кніжная спадчына Францыска Скарыны” папоўніла фонды вядучых бібліятэк Вялікабрытаніі
- Трыумфальнае прызнанне “Кніжнай спадчыны Францыска Скарыны”
- Бібліятэка атрымала поўны спектр перамог у LVI Нацыянальным конкурсе “Мастацтва кнігі”
- Спецыяльная прэмія Прэзідэнта Рэспублікі Беларусь за мастацкае афармленне “Кніжнай спадчыны Францыска Скарыны”
- Галоўная бібліятэка Фінляндыі прыняла ў дар калекцыю беларускіх выданняў
- Каштоўная калекцыя перададзена ў дар галоўнай бібліятэцы Румыніі
- Рым і Ватыкан прынялі ў дар выданне "Кніжная спадчына Францыска Скарыны"
- “Кніжная спадчына Францыска Скарыны” перададзена ў дар галоўнай бібліятэцы Венгрыі
- “Кніжная спадчына Францыска Скарыны” цяпер і ў Балгарыі
- Факсіміле кніжнай спадчыны Скарыны прыняла ў дар галоўная бібліятэка Сербіі
- Дар НББ Нью-Ёркскай публічнай бібліятэцы
- “Кніжная спадчына Францыска Скарыны” ў ЗША
- Перадача ў дар факсімільнага выдання Скарыны прадстаўнікам дыпламатычных місій
- Беларуска-літоўскія мерапрыемствы да юбілею Скарыны
- Презентация в Москве “Книжного наследия Франциска Скорины”
- Прэзентацыя факсіміле кніг Скарыны ў Магілёве
- Прэзентацыя факсіміле кніг Скарыны ў Баранавічах
- Прэзентацыя факсіміле кніг Скарыны ў Гродна
- Прэзентацыя факсіміле кніг Скарыны ў Полацку
- Перадача факсіміле кніжнай спадчыны Скарыны ў Оршы
- Перадача факсімільнага выдання кніжнай спадчыны Скарыны ў Навагрудку
- Перадача ў дар першых факсімільных выданняў кніг Скарыны
- Праект бібліятэкі – лаўрэат конкурсу “Мастацтва кнігі”
- Прэзентацыя факсіміле першага тома прац Скарыны
- Запуск праекта па факсімільным перавыданні кніг Скарыны
