Нацыянальная бібліятэка Беларусі віншуе Азербайджанскую Нацыянальную бібліятэку ім. М.Ф. Ахундава з юбілеем і жадае творчых поспехаў, дабрабыту і плёну ва ўсіх справах.
Азербайджанская Нацыянальная бібліятэка імя М.Ф. Ахундава - самая вялікая універсальная бібліятэка краіны. Яна стварае архіўны фонд друку Рэспублікі Азербайджан і займаецца зборам інфармацыі пра Азербайджан за мяжой, з’яўляецца метадычным цэнтрам для ўсіх бібліятэк краіны, вядучай установай, каардынацыйным і навукова-даследчым цэнтрам па бібліятэказнаўству, бібліяграфазнаўству і кнігазнаўству ў рэспубліцы.
Урачыстыя мерапрыемствы з нагоды юбілею пройдуць з 17 па 19 лістапада 2008 года ў г. Баку. У іх прыме ўдзел дырэктар Нацыянальнай бібліятэкі Беларусі Р.С. Матульскі.