ГалоўнаяНавіныНавіны Нацыянальнай бібліятэкі Беларусі
З Новым годам і Раством Хрыстовым!
Пяць абліччаў Уладкі

300 прычын наведаць выставу “Бляск убораў і таямніцы флірту”

300 прычын наведаць выставу “Бляск убораў і таямніцы флірту”
Іншыя навіны

Запрашаем наведаць унікальны выставачны праект “Бляск убораў і таямніцы флірту”, да заканчэння якога засталіся лічаныя тыдні!

На выставе экспануецца больш за 300 унікальных, рэдкіх і вытанчаных прадметаў XVII–XIX стст. з прыватнай калекцыі Ігара Сурмачэўскага. Экспанаты могуць даць фору лепшым музеям свету!

Уборы, абутак, капялюшыкі, аксэсуары, запрашэнні на балі і раўты, дамскі будуарны столік, які цудам захаваўся ў Гродне, будуарнае люстэрка ў абрамленні лебедзяў, выкананае французскімі майстрамі з Ніцы, а таксама ўсе тыя дробязі, без якіх дама не можа абысціся нават цяпер – парфумерныя флаконы, наборы для рукадзелля, упрыгажэнні, бранзалеты, брошкі, грабяні і заколкі... Некаторыя з іх выраблены ўручную і прадстаўлены ў адзіным экзэмпляры!

Вы ўбачыце калекцыю веераў тыпу “пліе” і “брызэ”, а таксама кітайскія вееры, выкананыя з шоўку, карункаў, паперы, косці, дрэва, дэкарыраваныя роспісам і інкрустацыяй, фарфоравыя вырабы і флаконы для духоў мануфактур Мейсена і Сеўра.

Усё прадстаўленае на выставе дакладна не пакіне вас абыякавым! Спяшаецеся акунуцца ў атмасферу мінулых стагоддзяў і адчуць дух часу, які панаваў падчас балю.

Глядзіце рэпартаж на тэлеканале "Беларусь 1".


Экспазіцыя доўжыцца да 16 студзеня 2022 года.
Час работы выстаўкі адпавядае рэжыму работы бібліятэкі.

Кошт наведвання:

  • Дарослы білет – 10 бел. руб.
  • Навучэнцы сярэдніх, сярэдніх спецыяльных і вышэйшых навучальных устаноў – 5 бел. руб.
  • Сямейны білет: група з двух дарослых і аднаго дзіцяці да 16 гадоў – 21 бел. руб.; група з двух дарослых і двух дзяцей да 16 гадоў – 24 бел. руб.

Тэлефон для даведак: (8 017) 368 37 37.
Е-mail: pr@nlb.by

Навіны

Вялікі космас у малым фармаце: у Нацыянальнай бібліятэцы адкрылася выстава “Разцовая гравюра: Лембіт Лыхмус і венская школа”

19 Сту 2022

Разцовая гравюра выкарыстоўвалася графікамі з XV ст., а ў канцы XVI – XVIII ст. мела пашырэнне ў Беларусі. Цяпер яна ўвасобілася ў графіцы малых форм – экслібрысах.

Мастацкія выстаўкі

У Нацыянальнай бібліятэцы “Беларускі салавей” загучаў па-новаму

19 Сту 2022

18 студзеня ў бібліятэцы адбылася ўрачыстая цырымонія ўзнагароджання пераможцаў па выніках літаратурнага конкурсу “Беларускі салавей”, прымеркаванага да 135-годдзя з дня нараджэння Змітрака Бядулі.

Да 100-годдзя літаб'яднання "Маладняк"

Акцыя па перадачы кніг прыходу храма Святой Роўнаапостальнай княгіні Вольгі

19 Сту 2022

У чарадзе навагодніх святаў асаблівае месца займаюць Каляды – час дабрых спраў і падарункаў. Працягваючы шматгадовую традыцыю акцый па перадачы кніг бібліятэкам, супрацоўнікі Нацыянальнай бібліятэкі наведалі ў Мінску прыход храма Святой Роўнаапостальнай княгіні Вольгі і перадалі бібліятэцы нядзельнай школы больш за 200 выданняў.

Навіны Нацыянальнай бібліятэкі Беларусі

Разнастайнасць моў – вялікае дасягненне чалавецтва

19 Сту 2022

З 19 студзеня па 22 лютага ў зале дакументаў міжнародных арганізацый (пам. 207g) адкрыта тэматычная выстава “Разнастайнасць моў – вялікае дасягненне чалавецтва”, прысвечаная Міжнароднаму дзесяцігоддзю моў карэнных народаў (2022–2032).

Кніжныя выстаўкі

Запрашаем прыняць удзел у навукова-практычным семінары “Ураджэнцы роднага краю”

18 Сту 2022

У рамках рэспубліканскага праекта “На хвалі часу, у плыні жыцця” (2019–2023) у Нацыянальнай бібліятэцы Беларусі адбудзецца навукова-практычны семінар, прысвечаны ўшанаванню памяці пісьменнікаў-маладнякоўцаў на радзіме.

Да 100-годдзя літаб'яднання "Маладняк"

Выстаўка “Вялікі талент, вялікая работа, вялікае сэрца”

17 Сту 2022

З 17 студзеня ў бібліятэцы арганізавана кніжна-ілюстрацыйная выстаўка “Вялікі талент, вялікая работа, вялікае сэрца”, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2021 год.

Кніжныя выстаўкі

Гісторыя Нацыянальнай бібліятэкі Беларусі ў лічбах і фактах: з архіва базы даных “НББ у прэсе” (1930–1934)

17 Сту 2022

100-годдзе Нацыянальнай бібліятэкі Беларусі ўнесена ў спіс памятных дат ЮНЕСКА. Рашэнне было прынята на 41-й сесіі Генеральнай канферэнцыі ЮНЕСКА ў 2021 г.

Да 100-годдзя Нацыянальнай бібліятэкі Беларусі

Бібліятэкарам