25 студзеня споўнілася 3 гады інфармацыйна-пазнавальнаму праекту Нацыянальнай бібліятэкі Беларусі “Кропка Адліку”.
Асноўны сэнсавы аспект праекта – самаразвіццё Чалавека.
У рамках праекта праходзяць праграмы наступных тэматычных блокаў:
- Стратэгіі шчасця, або Усё ў тваіх руках;
- Самааздараўленне, або Як дапамагчы сабе быць здаровым;
- Матрыца жыцця, або Што мы ведаем пра сябе.
Госці праграм маюць магчымасць пашырыць свае веды, наведваючы трэнінгі і семінары з удзелам прадстаўнікоў методык і тэхнік па раскрыцці рэсурсаў чалавека. Важным момантам у праекце “Кропка Адліку” з’яўляецца падвядзенне людзей да ўсведамлення адказнасці за свае жыццё і лёс.
Па выніках анкетавання, госці праграм адзначаюць наступныя станоўчыя моманты: цікавыя тэмы, магчымасць атрымаць карысную інфармацыю і практычныя навыкі, знаёмства з кампетэнтнымі людзьмі, уключэнне ў працэс музычных і кінафрагментаў, правядзенне праграм у форме дыялогу, увагу арганізатара сустрэч да слухачоў, добразычлівую атмасферу, пазітыўныя думкі і настрой, магчымасць добра адпачыць.
З 2007 па 2010 год былі праведзены 73 праграмы, якія наведалі 2 970 чалавек.
Куратар праекта – Ганна Лель.
Дызайнам афіш займаліся Аляксандр Жарнасек, Таццяна Пешына, Вольга Васькова.