21 красавіка а 19-й гадзіне ў Нацыянальнай бібліятэцы Беларусі прайшло ўрачыстае адкрыццё “Бібліяночы-2017”.
Святочнае дзеянне пачалося ў цэнтральным холе – мімы і хадулісты сустракалі гасцей і знаёмілі іх з праграмай вечара, каб кожны змог выбраць занятак па гусце і для задавальнення.
З прывітальным словам выступіла першы намеснік дырэктара Нацыянальнай бібліятэкі Беларусі Алена Далгаполава. Падчас урачыстай часткі харызматычныя акцёры “зафлэшмобіліся”, заклікаючы ўсіх, хто сабраўся, хаця б на адзін вечар, замест тэлефонаў і гаджэтаў, узяць у рукі яе вялікасць Кнігу!
Дзверы бібліятэкі зачыняцца а 23-й гадзіне. А пакуль − усё толькі пачынаецца! Наперадзе шмат цікавага і займальнага! Таму паспяшайцеся − вы яшчэ можаце паспець на пошукі сваёй шчаслівай зоркі!