ГалоўнаяНавіныНавіны Нацыянальнай бібліятэкі Беларусі
Нацыянальная бібліятэка Беларусі на ІФЛА-2019
Саборнае ўлажэнне цара Аляксея Міхайлавіча: 370 гадоў помніку рускага права

15 кілаграм і паўтары тысячы старонак: публіцы паказалі факсіміле Берасцейскай Бібліі

15 кілаграм і паўтары тысячы старонак: публіцы паказалі факсіміле Берасцейскай Бібліі
Іншыя навіны

27 жніўня ў Доме прэсы прайшла прэзентацыя факсімільнага ўзнаўлення помніка нацыянальнай кніжнай культуры – Берасцейскай Бібліі.

Працу над выданнем вялі прадстаўнікі Нацыянальнай бібліятэкі Беларусі і выдавецкага дома “Сегмент” пры падтрымцы Белнафтастраха.

Пра праект расказалі намеснік дырэктара Нацыянальнай бібліятэкі Беларусі, каардынатар і навуковы кіраўнік праекта па перавыданні Аляксандр Суша, генеральны дырэктар ЗАСТ “Белнафтастрах” Анатоль Чайчыц і арт-дырэктар выдавецкага дома “Сегмент” Кіра Сліжыкава.

Берасцейская Біблія выйшла ў свет 4 верасня 1563 года ў Берасцейскай друкарні па загадзе і на грошы канцлера Вялікага Княства Літоўскага князя Мікалая “Чорнага” Радзівіла. У аснову факсіміле лёг экзэмпляр, які цяпер знаходзіцца ў Таруньскім універсітэце. Першапачаткова ён належаў аднаму з нашчадкаў Мікалая “Чорнага” – Багуславу Радзівілу.

Кніга сведчыць пра славу, магутнасць і багатую культурную традыцыю Брэста, таму праект быў прымеркаваны да святкавання 1000-гадовага юбілею горада.

Факсімільнае выданне важыць 15 кг і налічвае каля 1 500 старонак – гэта самая вялікая кніга ў гісторыі айчыннага друку. З абсалютнай дакладнасцю былі адноўлены памер, папера, рукапісныя надпісы і паметкі, закладка і іншыя асаблівасці арыгінала. Па старажытных тэхналогіях быў выкананы спецыяльны пераплёт. Зборка праводзілася ўручную. Унутры кнігі ёсць укладыш з даследаваннем Аляксандра Сушы “Асэнсаванне шэдэўра”.

Нават адзін экзэмпляр факсіміле каштуе вялікіх грошай. На прэзентацыі публіцы прадэманстравалі 2 варыянты выдання. Яны выкананы з розных матэрыялаў, адрозніваюцца па кошце, але ў цэлым капіруюць арыгінал. У самым дарагім выкананні кошт факсіміле можа даходзіць да 3 500 беларускіх рублёў. Арыгінальная Берасцейская Біблія таксама вельмі высока ацэньвалася і часам была ледзь не самым галоўнай часткай спадчыны або пасагу.

Сапраўды ўнікальная кніга не стандартная для свайго часу. Перад асноўным тэкстам размешчаны каляндар, дзякуючы якому кожны мог удакладніць, якую частку Бібліі ён павінен чытаць сёння. На апошніх старонках упершыню ў гісторыі беларускага кнігадрукавання размешчаны прадметны ўказальнік, у якім ёсць пэўныя словы і нават фразы, а таксама старонкі, на якіх іх можна знайсці.

На сённяшні дзень падрыхтавана 11 экзэмпляраў, кнігі павязуць у Брэст. Дакладнай лічбы тыражу няма – факсіміле будуць вырабляць па замове.

Матэрыял прадастаўлены аддзелам сувязей з грамадскасцю.

Навіны

Пра беларускіх ілюстратараў, якія прысвяцілі талент Яе Вялікасці Кнізе

11 Сне 2019

“Я не самотны, я кнігу маю…” – невыпадкова радок з верша Максіма Багдановіча прагучаў на ўрачыстай прэзентацыі кнігі журналіста Вольгі Паўлючэнкі “Малюнак пад кніжнай вокладкай”, якая адбылася 10 снежня ў бібліятэцы.

Навіны Нацыянальнай бібліятэкі Беларусі

Аўдыякалекцыя літаратурнай класікі і сучаснай прозы Беларусі – на старонцы вэб-навігатара “Беларусь у інфармацыйнай прасторы”

11 Сне 2019

Міністэрства інфармацыі Рэспублікі Беларусь прадаставіла ў адкрыты доступ падрыхтаваную выдавецтвам “Вышэйшая школа” калекцыю твораў беларускіх пісьменнікаў, агучаных вядучымі акцёрамі Беларусі.

Навіны Нацыянальнай бібліятэкі Беларусі

Раман Матульскі: “У сучасным свеце няма ведаў канстанты”

10 Сне 2019

6 снежня адбылася сустрэча фіналістаў конкурсу “Студэнт года” з дырэктарам Нацыянальнай бібліятэкі Беларусі, старшынёй грамадска-кансультатыўнага савета па пытаннях адукацыі пры Міністэрстве адукацыі Рэспублікі Беларусь, доктарам педагагічных навук, прафесарам Раманам Матульскім.

Аўтарскі погляд

Кнігі з асабістай калекцыі Прэзідэнта Рэспублікі Беларусь Аляксандра Лукашэнкі перададзены ў фонды Нацыянальнай бібліятэкі Беларусі

9 Сне 2019

Гэта 76 сучасных выданняў, прысвечаных гісторыі, культуры, адукацыі, навуцы і спорту краін – суседзяў, партнёраў нашай краіны на міжнароднай арэне.

Навіны Нацыянальнай бібліятэкі Беларусі

111