16 лютага ў Нацыянальнай бібліятэцы адбылася публічная лекцыя “Адлюстраванне гістарычнай памяці ў назвах вуліц Мінска”.
Экспертамі выступілі члены камісіі па найменаванні і перайменаванні праспектаў, вуліц, плошчаў і іншых састаўных частак г. Мінска пры Мінгарвыканкаме: Вячаслаў Даніловіч, рэктар Акадэміі кіравання пры Прэзідэнце Рэспублікі Беларусь, кандыдат гістарычных навук, дацэнт, і Іван Сацукевіч, гісторык, выкладчык, экскурсавод, даследчык гісторыі Мінска.
Слухачы зазірнулі ў гісторыю горада, даведаліся, пра што расказваюць назвы вуліц Мінска і якія найменні дамінуюць у беларускай сталіцы, як змяняліся назвы за апошнія 100–200 гадоў, а таксама што такое тапанімія і як сёння прысвойваецца найменне вуліцам.
На лекцыі прысутнічалі навукоўцы, студэнты, краязнаўцы, журналісты, бібліятэкары, зацікаўленыя гісторыяй і культурай краіны.
Публічныя лекцыі цыкла “Крыніцы гістарычнай памяці” праходзяць у межах Года гістарычнай памяці.
Наступная лекцыя “Аператыўныя і разведвальныя зводкі Беларускага штаба партызанскага руху” адбудзецца 23 лютага а 11-й гадзіне. Экспертам выступіць Святаслаў Кулінок, кандыдат гістарычных навук, загадчык аддзела публікацый Нацыянальнага архіва Рэспублікі Беларусь, аўтар больш за 160 навуковых публікацый, спецыяліст па гісторыі і крыніцазнаўстве Вялікай Айчыннай вайны.
Запісы мінулых лекцый і жывыя трансляцыі наступных можна глядзець на канале YouTube ў графе “Трансляцыі” па адрасе https://www.youtube.com/c/BelarusBook/videos.
Матэрыял пададзены аддзелам сувязей з грамадскасцю.
