ГалоўнаяНавіныМастацкія выстаўкі
“Распетаю буду маліцца душой...”
З Міжнародным днём музыкі!

Запаветная прырода і яе насельнікі ў новай фотавыстаўцы бібліятэкі (+відэа)

Запаветная прырода і яе насельнікі ў новай фотавыстаўцы бібліятэкі (+відэа)
Іншыя навіны

29 верасня ў Нацыянальнай бібліятэцы Беларусі адкрылася выстаўка “Сцежкамі запаветнай прыроды”, прымеркаваная да Года малой радзімы.

Як вядома, няма нічога больш жывапіснага, чым прыгажосць, створаная прыродай. Гледзячы на фатаграфіі выстаўкі, мы дзівімся, якія дасканалыя і выдатныя нашы родная зямля, прырода і яе насельнікі!

Магутныя зубры, прыгожыя сініцы, сімпатычная ліса, яркі цецярук... Уражвае здымак, дзе мама-змеяед корміць сваё птушаня. А які незвычайны фотаздымак амялушкі на каліне!

Здзіўляе майстэрства фатографаў, якія ўмела падпільноўваюць самыя цікавыя моманты: перапэцканую раскай выдру, якая выскоквае з вады, высакароднага аленя, глушца на таку... На выстаўцы “Сцежкамі запаветнай прыроды” прадстаўлены работы Сяргея Плыткевіча, Паўла Марцінчыка, Віктара Казлоўскага, Дзяніса Іўковіча, Ірэны Гудзіеўскай, Паўла Лычкоўскага, Аляксандра Пекача і іншых беларускіх фотамастакоў, удзельнікаў Беларускага клуба фатографаў дзікай прыроды.

Падчас адкрыцця сваімі ўражаннямі з прысутнымі падзяліліся першы намеснік генеральнага дырэктара Нацыянальнай бібліятэкі Алена Далгаполава, кансультант упраўлення біялагічнай і ландшафтнай разнастайнасці Міністэрства прыродных рэсурсаў і аховы навакольнага асяродзя Рэспублікі Беларусь Віталь Караньчук, журналіст, фотамастак, дырэктар Рэспубліканскага фонду развіцця турызму і падтрымкі дзікай прыроды “Планета без межаў” Сяргей Плыткевіч, кіраўнік “Беларускага клуба фатографаў дзікай прыроды”, фотамастак, аўтар дакументальных кінастужак Віктар Казлоўскі, фотамастак, член клубаў “Фотамастацтва” і “Беларускі клуб фатографаў дзікай прыроды” Ірэна Гудзіеўская.

Таксама ўвазе гасцей была прадстаўлена кніжная выстаўка-прагляд. У экспазіцыі – больш за 30 выданняў з фонду Нацыянальнай бібліятэкі Беларусі. Гэта альбомы з унікальнымі выявамі дзікай прыроды нашай краіны і артыкулы з перыядычных выданняў аб аўтарах фотаработ.

Наведвальнікі атрымаюць магчымасць прайсціся па сцежках запаветнай прыроды Беларусі і праз прызму фотаздымкаў пазнаёміцца з багатым жывёльным светам Беларусі! Кожнае фота зачароўвае, здзіўляе, захапляе і выклікае гонар.

Прыходзьце, атрымлівайце асалоду – не пашкадуеце!


Выстаўка будзе доўжыцца да 13 снежня 2020 г.
Дата яе заканчэння можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефоны для даведак: (8 017) 266 37 37293 28 33293 28 81.
E-mail: pr@nlb.by

Матэрыял пададзены аддзелам сувязей с грамадкасцю.

Навіны

16 Чэр 2021

Адна з найстарэйшых і найбуйнейшых бібліятэк вышэйшых навучальных устаноў Беларусі – Фундаментальная бібліятэка БДУ – была ўключана ў структуру Праўлення гэтага ўніверсітэта 23 мая 1921 года, і менавіта гэты дзень лічыцца датай яе заснавання. Складаны, поўны перашкод шлях стварэння, выпрабаванні 1930-х гадоў, трагічныя падзеі перыяду Вялікай Айчыннай вайны, новыя ўмовы і патрабаванні апошніх дзясяцігоддзяў і сучаснага перыяду… Установа з драматычнай гісторыяй неаднойчы амаль знікала, але аднаўлялася – дзякуючы энтузіястам, аматарам кнігі. Ды ў краіне заўсёды разумелі: дзе навучанне, без бібліятэкі нікуды.

Навіны бібліятэк

“Алмаз становіцца дыяментам”: хроніка будаўніцтва Нацыянальнай бібліятэкі Беларусі, 2004 год

16 Чэр 2021

16 чэрвеня 2006 года адбылося ўрачыстае адкрыццё новага будынка Нацыянальнай бібліятэкі Беларусі. Сёння мы працягваем публікацыі па матэрыялах прэсы аб яго будаўніцтве, якое стала яркай падзеяй у гісторыі бібліятэкі, ды і ўсёй краіны.

Да 100-годдзя Нацыянальнай бібліятэкі Беларусі

Незвычайныя завяшчанні пісьменнікаў

16 Чэр 2021

Ці задумваліся вы калі-небудзь пра сваю апошнюю волю? Напэўна так, бо, як ні горка, ніхто з нас не вечны. Аднойчы прыйдзе час пакінуць гэты тленны свет, а перад гэтым паклапаціцца пра завяшчанне, каб шматлікія сябры і сваякі адразу ведалі, хто быў вашым любімчыкам. Вядомыя пісьменнікі таксама запісвалі сваю апошнюю волю – і часцяком іх інструкцыі і пажаданні былі як мінімум незвычайныя, як максімум – эксцэнтрычныя.

Аўтарскі погляд

Віртуальная чытальная зала НББ – публічным бібліятэкам Брэсцкай вобласці

15 Чэр 2021

Супрацоўнікі НББ працягваюць серыю анлайн-мерапрыемстваў для публічных бібліятэк розных рэгіёнаў нашай краіны. 15 чэрвеня адбыўся семінар, падрыхтаваны для нашых калег з Брэсцкай вобласці.

Навіны Нацыянальнай бібліятэкі Беларусі

Прэзентацыя альманаха “Казахстан – Беларусь” і сустрэча пісьменнікаў дзвюх краін

14 Чэр 2021

14 чэрвеня ў Нацыянальнай бібліятэцы прайшла прэзентацыя першага ў гісторыі казахстанска-беларускага супрацоўніцтва літаратурна-мастацкага альманаха “Казахстан – Беларусь” і адбылася сустрэча пісьменнікаў дзвюх краін.

Навіны Нацыянальнай бібліятэкі Беларусі

Бібліятэкарам
111