28 лютага ў галерэі “Ракурс” (2-гі паверх) адкрылася выстаўка жывапісу “Захаваныя імгненні”.
Дзень нараджэння вялікага ўкраінскага паэта Тараса Шаўчэнкі і 25-годдзе Таварыства дружбы “Беларусь – Україна” наведвальнікі бібліятэкі адзначылі адкрыццём выстаўкі беларускага мастака Аляксандра Акуцыёнка і яго настаўніка, які нарадзіўся на зямлі вялікага Кабзара, Фёдара Свісцільніка.
Адкрыла выстаўку першы намеснік дырэктара Нацыянальнай бібліятэкі Беларусі Алена Далгаполава. Усіх прысутных павіталі Часовы Павераны ў справах Украіны ў Рэспубліцы Беларусь Валерый Джыгун, старшыня Мінскага грамадскага аб’яднання ўкраінцаў “Заповіт”, заслужаны работнік культуры Украіны Галіна Калюжная. Падчас мерапрыемства адбылося знаёмства з аўтарамі, якія захавалі і прадставілі ўвазе наведвальнікаў свае імгненні – мастакамі Фёдарам Свісцільнікам і Аляксандрам Акуцыёнкам.
Адкрыццё выстаўкі суправаджалася выступленнем зборнага хору “Натхненне” Беларускага дзяржаўнага педагагічнага ўніверсітэта імя Максіма Танка пад кіраўніцтвам Ларысы Ядлоўскай.
Запрашаем пазнаёміцца з творчасцю мастакоў да 31сакавіка 2017 года.
Дата заканчэння выстаўкі можа быць зменена.
Удакладняйце інфармацыю па тэлефоне: (8 017) 266 37 37.
 |
 |
 |
 |
 |
 |
 |
 |
