ГалоўнаяНавіныМастацкія выстаўкі
Гісторыя і традыцыі беларускай навукі
Інфармацыя для каталагізатараў

Выстаўка “UNTITLED”

Выстаўка “UNTITLED”
Іншыя навіны

26 студзеня ў бібліятэцы адбылося адкрыццё персанальнай выстаўкі беларускага мастака Максіма Петруля “UNTITLED”.


На выстаўцы дэманструюцца арыгіналы скульптур і аб’екты, выкананыя аўтарам пачынаючы з 2002 года. Таксама прадстаўлены постэры публічных твораў мастацтва і скульптур, устаноўленых у парках розных гарадоў Кітая і ў нашай сталіцы: “Фантан Перамогі” (2010) у Парку Перамогі, “Грушаўка” (2012) і “Малінаўка” (2014) на аднайменных станцыях мінскага метро.

Для творчасці Максіма Петруля характэрна абагуленасць форм і канцэптуальнасць, праяўленая ў яго вядомых манументальных і станковых творах – “Элефантус”, “Тайцзы”, “Птушкі”, “Контрбатэрфляй”. У шэрагу прац ён спалучае кантрасныя матэрыялы – “Водар дажджу”, “О”, “Контрбаланс”. А часам аўтар уносіць у прастору творчасці іронію і супярэчнасць – серыі работ “Хатняе” (2010–2015) і “Артапалогія” (2013–2015).

Творы мастака захоўваюцца ў Нацыянальным мастацкім музеі Рэспублікі Беларусь, Музеі сучаснага выяўленчага мастацтва горада Мінска, Музеі скульптуры горада Хуалянь на Тайвані, а таксама ў адной з самых вялікіх і прэстыжных калекцый свету – калекцыі Райнхальда Вюрта, прамыславіка, мецэната, уладальніка «Вюрт-груп» у Германіі, і ў калекцыі Алімпійскага мастацтва ў горадзе Пекіне ў Кітаі, сфарміраванай падчас правядзення XXIX Алімпійскіх гульняў.

Максім Пятруль неаднаразова быў адзначаны і ўзнагароджваўся Беларускім саюзам мастакоў, Беларускім саюзам архітэктараў, Кітайскай асацыяцыяй мастакоў, Кітайскай асацыяцыяй крытыкаў мастацтва, Кітайскай скульптурнай асацыяцыяй, Камісіяй па культуры Міжнароднага алімпійскага камітэта і Спецыяльным фондам Прэзідэнта Рэспублікі Беларусь па падтрымцы таленавітай моладзі.

У мерапрыемстве прынялі ўдзел загадчык аддзела галерэйна-выставачнай дзейнасці Нацыянальнай бібліятэкі Беларусі Аляксандр Зіменка, архітэктар, двойчы лаўрэат Дзяржаўнай прэміі Рэспублікі Беларусь Віктар Крамарэнка, намеснік старшыні Беларускага саюза мастакоў па выставачнай дзейнасці Леанід Хобатаў і сам мастак Максім Пятруль.

Наведвальнікі бібліятэкі змогуць азнаёміцца з выстаўкай у галерэі “Лабірынт” (3-ці паверх) да 20 лютага 2016 г.

Тэлефоны для даведак: (8 017) 293 28 33; 293 27 56.
Е-mail: pr@nlb.by

Навіны

Практыкум па ўжыванні УДК на беларускай мове

18 Лют 2020

У Мінскай абласной бібліятэцы імя А.С. Пушкіна 20 лютага адбудзецца практыкум, прысвечаны ўжыванню міжнароднай класіфікацыйнай сістэмы “Універсальная дзесятковая класіфікацыя” на беларускай мове для арганізацыі краязнаўчых фондаў і іх адлюстравання ў інфармацыйна-пошукавых сістэмах публічных бібліятэк.

Навіны Нацыянальнай бібліятэкі Беларусі

"Лепшыя кнігі Беларусі": выстаўка па выніках LIХ Нацыянальнага конкурсу "Мастацтва кнігі"

18 Лют 2020

З 18 лютага па 18 красавіка ў бібліятэцы (3-ці паверх, кальцавы калідор) праходзіць выстаўка выданняў, адзначаных узнагародамі LIХ Нацыянальнага конкурсу “Мастацтва кнігі”.

Кніжныя выстаўкі

Прэзентацыя электроннага выдання "Не пакідайце ж мовы нашай беларускай…"

14 Лют 2020

19 лютага ладзіцца прэзентацыя электроннага выдання “Не пакідайце ж мовы нашай беларускай…”, прысвечанага 180-годдзю з дня нараджэння Францішка Багушэвіча.

Навіны Нацыянальнай бібліятэкі Беларусі

Духоўная асвета праз дзейнасць бібліятэк: да 500-годдзя з дня заснавання Свята-Успенскага Жыровіцкага манастыра

14 Лют 2020

12 лютага ў ГУ “Цэнтралізаваная сістэма дзіцячых бібліятэк г. Мінска” адбыўся круглы стол “Духоўная асвета праз дзейнасць бібліятэк: да 500-годдзя з дня заснавання Свята-Успенскага Жыровіцкага манастыра”.

Навіны Нацыянальнай бібліятэкі Беларусі

111