ГалоўнаяНавіныМастацкія выстаўкі
Бы дзве легенды
Праект “У госці да кніг” у Прэзідэнцкай бібліятэцы

Выстаўка работ Віктара Чыжыкава

Выстаўка работ Віктара Чыжыкава
Іншыя навіны

10 сакавіка ў галерэі “Атрыум” адбылося адкрыццё персанальнай выстаўкі да 80-годдзя заслужанага мастака РСФСР Віктара Чыжыкава.


Дружалюбны і святочны настрой панаваў на юбілейнай выстаўцы вядомага мастака-графіка, карыкатурыста, аўтара знакамітага алімпійскага Мішкі. Госці, што наведалі мерапрыемства, мелі магчымасць пазнаёміцца з арыгіналамі лепшых работ мастака. Цэнтральнае месца сярод іх занялі маляўнічыя ілюстрацыі да кніг такіх знакамітых дзіцячых пісьменнікаў, як Сяргей Міхалкоў, Аляксандр Волкаў, Карней Чукоўскі, Джані Радары і інш. Ніводзін наведвальнік не застаўся раўнадушным да серыі карыкатур і сяброўскіх шаржаў, выкананых з тонкім пачуццём гумару і любоўю да сваіх персанажаў.

Эмацыянальную прамову, прасякнутую шчырасцю і дабрынёй, сказаў дырэктар Нацыянальнай бібліятэкі Беларусі Раман Матульскі. Выказаўшы словы падзякі Віктару Чыжыкаву за яго творчасць, ён распавёў прысутным, з якім трапятаннем рыхтавалі супрацоўнікі бібліятэкі выстаўку і як прымалі гэты цудоўны мастацкі свет – з цёплай усмешкай і ўспамінамі пра дзяцінства, добрыя кнігі і казкі.

Графік і жывапісец Георгій Паплаўскі ў сваім выступленні адзначыў, што з вялікім поспехам Віктар мог стаць не толькі мастаком, але і настаўнікам. Яго творы не проста аздабляюць кнігі, а ў першую чаргу нясуць у сабе глыбокі сэнс. “Углядайцеся ў гэтыя карціны і вучыцеся быць выхаванымі і добрыми”, − звярнуўся мастак да прысутных на вернісажы юных наведвальнікаў.

У мерапрыемстве прынялі ўдзел выканаўца абавязкаў кіраўніка Прадстаўніцтва Рассупрацоўніцтва ў Рэспубліцы Беларусь Віктар Мічурын, віцэ-прэзідэнт Расійскага фонду культуры Юлія Субоціна-Міхалкова і рэктар Беларускай дзяржаўнай акадэміі мастацтваў Міхаіл Баразна.

Словы ўдзячнасці ў адрас мастака выказалі госці мерапрыемства – экспазіцыя знайшла водгук у сэрцы кожнага наведвальніка. У ілюстрацыях Віктара Чыжыкава шмат павучальнага як для дзяцей, так і для дарослых. Не адно пакаленне вырасла на кнігах з яго ілюстрацыямі. У асяроддзі яркіх і пацешных персанажаў мастака кожны дарослы змог хоць бы ненадоўга вернуцца ў краіну дзяцінства і адчуць сябе дзіцём. А дзеці, несумненна, напаткалі новага сябра, вялікага фантазёра і выдумшчыка, які ў сілу свайго таленту размаўляе з імі на адной мове.

Віктар Чыжыкаў падзякаваў арганізатарам за магчымасць размясціць выстаўку ў сценах Нацыянальнай бібліятэкі Беларусі. Напрыканцы мерапрыемства заслужаны мастак расказаў гісторыю стварэння легендарнага алімпійскага Мішкі, падарыў гасцям паштоўкі з яго выявай і ўласнымі аўтографамі.

Наведвальнікі Нацыянальнай бібліятэкі змогуць азнаёміцца з экспазіцыяй у галерэі “Атрыум” (3-ці паверх) да 16 красавіка 2016 года.

Тэлефоны для даведак: (8 017) 293 28 33, 293 27 56.
Е-mail: pr@nlb.by

 
Навіны

Навукова-практычная канферэнцыя “Бібліятэка як культурна-гістарычны аспект развіцця краіны”

18 Вер 2020

17 верасня ў г. Гродна адбылася навукова-практычная канферэнцыя “Бібліятэка як культурна-гістарычны аспект развіцця краіны”, прысвечаная 190-годдзю з дня заснавання Гродзенскай абласной навуковай бібліятэкі імя Я.Ф. Карскага.

Навіны Нацыянальнай бібліятэкі Беларусі

Запрашаем да ўдзелу ў навуковым зборніку “Здабыткі”

18 Вер 2020

У 2021 г. плануецца выданне 24-га выпуску зборніка навуковых артыкулаў “Здабыткі: дакументальныя помнікі на Беларусі”. Рэдакцыя выдання запрашае да супрацоўніцтва даследчыкаў кніжнай культуры.

Навіны Нацыянальнай бібліятэкі Беларусі

Да 100-годдзя з дня нараджэння Раісы Пятроўны Сімаковай

18 Вер 2020

18 верасня спаўняецца 100 гадоў з дня нараджэння Раісы Пятроўны Сімаковай, ветэрана Нацыянальнай бібліятэкі Беларусі, удзельніцы Вялікай Айчыннай вайны, старшага сяржанта медыцынскай службы, блакадніцы Ленінграда.

Партрэты: гісторыя бібліятэкі ў асобах

17 верасня – 190 гадоў Гродзенскай абласной навуковай бібліятэцы імя Я.Ф. Карскага

17 Вер 2020

У верасні 1830 г. на адной з нарад у гродзенскага генерал-губернатара было прынята рашэнне аб заснаванні ў горадзе Гродна бібліятэкі, якая стала першай публічнай бібліятэкай на сучаснай тэрыторыі Беларусі.

Па старонках беларускага календара

111