17 лютага 2009 года ў галерэі “Панарама” адбылося ўрачыстае адкрыццё выстаўкі плакатаў “Лацінаамерыканская рэвалюцыя”.
Выстаўка падрыхтавана сумесна з Пасольствам Баліварыянскай Рэспублікі Венесуэла ў Рэспубліцы Беларусь.
На выстаўцы прадстаўлена 48 работ: афішы і плакаты, мэта якіх – абудзіць нацыянальную свядомасць, падтрымаць барацьбу за дабрабыт і салідарнасць народаў, справядлівы свет, сапраўдную дэмакратыю. Калекцыя з’яўляецца вынікам працяглай і карпатлівай работы беларусаў, зацікаўленых жыццём Лацінскай Амерыкі, якія збіралі і беражліва захоўвалі гэтыя матэрыялы.
Ва ўрачыстай абстаноўцы адкрыцця выстаўкі прынялі ўдзел Часовы Павераны ў справах Баліварыянскай Рэспублікі Венесуэла ў Рэспубліцы Беларусь Марыя-Алена Рохас, прарэктар па навуковай рабоце Беларускай дзяржаўнай акадэміі мастацтваў М.Р. Баразна, дырэктар Нацыянальнай бібліятэкі Беларусі Р.С. Матульскі, а таксама прадстаўнікі венесуэльскай дыяспары, якая пражывае ў Беларусі.
Экспазіцыя размяшчаецца ў галерэі “Панарама” (22-і паверх). Выстаўку можна наведаць у рэжыме работы агляднай пляцоўкі. Кошт білета ўваходзіць ў кошт наведвання агляднай пляцоўкі.
Выстаўка будзе працаваць да 15 сакавіка 2009 года.
Тэлефоны для даведак: 293-27-56, 293-27-67, 293-27-64.
Е-mail: pr@nlb.by