13 снежня ў бібліятэцы адкрылася выстаўка “Каманда”, дзе прадстаўлены работы выкладчыкаў кафедры дызайну факультэта сацыякультурных камунікацый БДУ.
Аўтары твораў – члены Беларускага і Міжнароднага саюзаў дызайнераў, Беларускага саюза мастакоў і Польскага саюза мастакоў у Беларусі – Аляксандр Азончык, Юлія Бортнік, Уладзімір Голубеў, Вольга Гапіенка, Яўгенія Дзюба, Наталля Длатоўская, Уладзімір Жаркевіч, Вікторыя Іконнікава, Віктар Камянецкі, Таццяна Лаўдар, Антон Міхалёў, Анастасія Мазгавая, Ларыса Стрыжак, Аляксей Семянцоў, Сяргей Сукавіцын, Наталля Фралова.
У аснове экспазіцыі – агульная візуалізацыя каманднага духу кафедры дызайну Беларускага дзяржаўнага ўніверсітэта. Прадстаўлены медыя-мантаж складаецца з дзясятка малюнкаў, выкананых сродкамі жывапісу, графікі, фота і кіно. У сілу гэтай разнастайнасці гледачы могуць убачыць заканамернасці кафедральнага “мы” і індывідуальнага “я”.
У мерапрыемстве прынялі ўдзел намеснік дырэктара па інфармацыйных рэсурсах Нацыянальнай бібліятэкі Беларусі Таццяна Кузьмініч, намеснік дэкана па вучэбна-выхаваўчай рабоце факультэта сацыякультурных камунікацый БДУ, кандыдат гістарычных навук Іван Янушэвіч, загадчык кафедры дызайну факультэта сацыякультурных камунікацый БДУ, член Беларускага саюза дызайнераў Аляксей Семянцоў, мастацтвазнаўца, арт-крытык, член Саюза мастакоў Беларусі, Беларускага саюза дызайнераў Таццяна Бембель.
Наведаць экспазіцыю можна да 30 студзеня 2017 года ў галерэі “Ракурс” (2-гі паверх).
 |
 |
 |
 |
 |
 |
|
|
|
|
 |
 |
 |
